崔建邦為兩舊水起勢爆粗
演藝事業大上大落的崔建邦，昨日凌晨與女友陳嘉莉到廟街與朋友食海鮮時，甫到場即表示已飲了廿杯清酒打底，席上杯杯清。期間醉意大發的他，竟「食評家」上身，1分鐘內連環爆粗8次，批評食物質素欠佳：「平兩舊水都冇X用！」 採：音樂組 文：專案組
崔建邦把口全晚冇時停狂爆粗，其女友則被氹到哈哈笑！（設計對白）
雖然係咁彈食物質素差，但崔建邦仍密密食。
邦邦女友Kelly啤酒不離手，期間手舞足蹈，十分Hyper！
兩杯落肚後，崔建邦與友人傾偈時手指指。（設計對白）
崔建邦向店員舉手示意要添酒。
崔建邦全程粗口送飯，更豪邁地當眾撩牙！
崔建邦與女友Kelly同樣愛杯中物，認真啱Key！
現年36歲的崔建邦（Amigo）入行以來可謂經歷過高山低谷，是非多多的他，於2010年因醉駕判停牌9個月及罰款6千元，又因涉毆打前女友鄺敏慧而令形象插水！不過Amigo仍好杯中物。昨日凌晨與名模Mandy Lieu師妹、有「翻版吳千語」之稱的女友陳嘉莉（Kelly），到油麻地廟街一間海鮮餐廳會合朋友。
狼吞虎嚥大啖吔
有幾分醉意的Amigo，坐低時已表明有酒精打底，他興奮示威：「我飲咗廿幾杯清酒！」期間又繼續隊酒，更愈飲愈興奮！及後未知是否酒精落肚特別餓，故當海鮮上枱時，Amigo即狼吞虎嚥大啖大啖將食物放落口，雖然要餵飽五臟六腑，但他仍十分細心，不時夾食物給予Kelly，盡顯男士風度！
但未知是否食物不合Amigo口味，有嘢落肚的他即「食評家」上身，竟在接近一分鐘內爆出8次粗口，言談之間更為200元而大動肝火。首先聽到Amigo批評海鮮質素欠佳，更講到手舞足蹈：「我想講囉，唔X得，戇X，X佢滷味，我喺街市買40蚊咁X大隻蝦，X家X！是但平兩舊水都冇X用。」及後他問朋友是否食飽時，怎料朋友示意未夠，Amigo又再度爆粗：「你仲講乜X嘢？」令朋友十分尷尬！
女友啤酒不離手
而Kelly雖然全程未有加入爆粗環節，但外表斯斯文文的她，原來十分飲得，見她啤酒不離手，當發現冇啤酒時，又主動向店員示意要添酒，與Amigo認真「啱Key」！約過了兩小時左右，當Amigo發現記者時，便即時埋單與朋友離開。
崔建邦把口全晚冇時停狂爆粗，其女友則被氹到哈哈笑！（設計對白）
雖然係咁彈食物質素差，但崔建邦仍密密食。
邦邦女友Kelly啤酒不離手，期間手舞足蹈，十分Hyper！
兩杯落肚後，崔建邦與友人傾偈時手指指。（設計對白）
崔建邦向店員舉手示意要添酒。
崔建邦全程粗口送飯，更豪邁地當眾撩牙！
崔建邦與女友Kelly同樣愛杯中物，認真啱Key！
|
鍾意就快D Share啦！
|
|
|
