2015年7月22日 星期三

葉梓嵐o靚模難撈轉做秘書 葉梓嵐,



擁有32D驕人身材的「爆乳JJ」葉梓嵐曾是寫真戰的風頭躉,可惜面對日新月異的o靚模「新花招」,最終招架不住,淡出嫩模界轉做秘書!她又自爆因近年「超嫩口o靚模」湧入,令收入暴跌八成有多,試過一個月得三千蚊收入,連生活都成問題。文:音樂組 攝:劉智源

Karen感慨o靚模界愈來愈難撈,令她不得不轉行做秘書。

今時今日要成功在寫真戰「凸」圍,除了樣靚身材正,「Gimmick」亦是吸睛要點。前FFx成員葉梓嵐(Karen)早前接受東網訪問,感慨o靚模界百花齊放的背後,其實愈做愈難撈!由o靚模始祖周秀娜時代的滴雪糕、滴牙膏,到近年被指傷風敗俗的「漏M女」和「露暈女」等。為了捉住記憶點,新一代的嫩模無所不用其極,Karen說:「以前做寫真好風光,有頭有面,但到依家愈出愈多,o靚模變咗做貶義,有時同啲親戚講,佢哋啲面口唔多好睇。」

「行情」大不如前

曾經抱着明星夢入行的Karen無奈地表示,近年做o靚模的「行情」大不如前,因為太多「超嫩口o靚模」加入,收入短短幾年間勁跌八成:「有啲14、15歲妹妹識化妝就出嚟影相,佢哋收好低人工,甚至唔收人錢,好搶生意,收入由以前二、三百蚊時薪,跌到依家只有六、七十蚊時薪,最好景嗰時我收入可以超過兩萬,但我之前曾經一個月得三、四千收入,你唔食都要畀家用,唔可以為咗發夢而唔理家人。」

盼再出寫真

本來是車仔麵檔太子女的Karen表示,雖然家境不差,但自覺每月畀家用是子女的責任,對於「畀唔到家用」始終心感愧疚,在反覆考慮後,最終決定淡出寫真界,轉做收入更加穩定的秘書:「因為星期一至五都要返工,變咗工作係少過以前好多,但有穩定工作反而可以揀擇啲,接親都係比較大型嘅首映、打碟、登台咁。」Karen又透露如果有機會,亦希望再影寫真。

中文名:葉梓嵐  英文名:Karen Yip

年 齡:22歲   身 高:1米53

體 重:37kg   三 圍:32D、23、32

學 歷:高級文憑 現 職:日頭做秘書、夜晚打碟

Karen感慨o靚模界愈來愈難撈,令她不得不轉行做秘書。

鍾意就快D Share啦!