細細粒歐遊晒巨鑽 [FACE - 426] 細細粒,MF,

細細粒晒食漢堡包之餘，其實都想晒吓隻巨型鑽介囉。網上圖片

全知言

細細粒歐遊晒巨鑽

陳嘉佳自 13年參演《老表，你好嘢！》之後，細細粒嘅角色實在太深入民心，加上之後仲有套《老表，你好 Hea！》幫手推一推，原來細細粒已經成功脫貧，近月佢已經去咗歐洲同泰國旅行獎勵自己。

上週細細粒同位女性朋友去咗英國旅行，期間不斷晒美食，仲有佢嘅名牌手袋、耳環、靚衫，仲有手上嘅閃爆鑽石戒指！咁富貴，原來細細粒靠老表個勢，加上本身都唱得兩嘴，好多地方都有邀請佢去登台，全知言就問細細粒有無艷遇，點知細細粒話：「暫時沒有，我呢啲……無人敢埋身」。咪咁灰啦，未出現啫！

有報導指細細粒日前同男友行街街，其實呢位係佢嘅助手，而細細粒暫時仲係單身㗎！網上圖片

去旅行，打咭是常識吧！細細粒去咗英國 The Ritz，又飲香檳又飲茶咁囉。網上圖片

細細粒去咗英國旅行，影人影景，其實呢張相好似對「射 nel」耳環搶鏡啲啫。網上圖片

雖然唔係大，不過小小的 Chanel都要晒吓網上圖片

鍾意就快D Share啦！

下一篇 》