掃呢頁CODE去手機

2015年8月18日 星期二

韓國新出造型雪糕 今次輪到小烏龜 生活+趣聞,



近幾年香港人唔知點解好似勁沉迷食雪糕,無論春、夏、秋、冬,都有新雪糕推出!不過今時今日食雪糕,唔單只追求好味咁簡單,喺呢個相機食先嘅社會,冇一個造型特別嘅雪糕坐陣,真係搵鬼幫襯。之前香港就有玫瑰花雪糕、J型雪糕、五行主題雪糕、牛扒雪糕同埋特效雪糕等等。老老實實,大部分味道都普普通通,遍遍因為外型突出有Gimmick,所以吸引勁多人潮拜,所以話呢,作為一個雪糕,外貌真係好緊要。

唔係得香港係咁,韓國都一樣,繼之前韓國釜山南浦一間好Hit嘅雪糕店「뻥's크림」推出玫瑰花雪糕後,今次佢又有新搞作!




見唔見一枝枝美麗嘅玫瑰花?佢哋就係「뻥's크림」早前大熱嘅玫瑰花雪糕,用嚟送畀女仔真係冧死!咁究竟新出嘅造型雪糕又係咩樣呢?你見唔見玫瑰花雪糕右邊有個圓球雪糕,雪糕上仲打晒井字咁?有冇少少熟口熟面?



登登登凳!就係小烏龜雪糕喇!只要喺圓球雪糕淋上淋上朱古力醬,再插入四隻腳仔、頭同埋尾,盲會變成超可愛嘅小烏龜!









真係忍唔住要講句好打耳呀!!如果要拎嚟影相,建議揀綠茶口味,因為綠色龜殼最傳神丫嘛!

鍾意就快D Share啦!