上個星期三喺《4個小生去旅行》記招上面，謝賢（四哥）怒摑曾江轟動全城，今日節目嘅首播飯局被取消，兩位主角無緣碰面。
捲入風波嘅另外兩位小生胡楓（修哥）同Joe Junior，今日就去土瓜灣為「香港經典演唱會」綵排，兩人仲唱咗一首《友誼之光》贈興。而被網民稱為「Joe Senior」嘅Joe Junior接受訪問嗰陣，講到佢嘅專業「揸咪」，佢話：「咪就梗係我揸。」
沒有四哥嘅日子，問起四哥嘅嘢，修哥表示：「今日就係演唱會，如果大家想問第二樣嘢，我唔可以答大家，唔會答，過咗今日記者會後，就問乜都得。」
咁修哥會唔會邀請四哥同曾江出席，佢就笑住話：「我都唔識呢兩個人，我都有硬頸㗎！」講完就轉身走，之後記者再追問佢喺演唱會棟篤笑部份，會唔會加入新題材，修哥就話：「冇新嘢加，只係會有大家想聽，有趣嘅事。」
| (攝影：陳俊強) |  |  |
 Joe Junior話：「咪就梗係我揸。」 |  修哥話唔識四哥同曾江。 |
|
鍾意就快D Share啦！
|
|
|
