一到暑假，啱小朋友睇嘅戲就特別多，早排《壹》仔去圓方行咇，都撞到鄺文珣同兩個仔，身邊仲有佢老公應德榮。
有排未夠鐘入場，鄺文珣買杯咖啡食住嘢等，其間兩個細路紮紮跳坐唔定，鄺文珣大部份時間顧住玩掃電話，湊仔一職，就交俾老公。老公又陪兩個仔傾偈，又陪佢哋玩咬背脊、鬥快拍手，大人細路玩足成粒鐘都唔見攰
鄺文珣曾經自爆，話曾經因老公患抑鬱、躁狂，令佢好大壓力，一度諗過離婚。結果，雙方用咗四年時間去挽救婚姻，依家終於家庭和睦，老公亦變咗好多，可以想像過程一定唔容易。
睇到佢老公同兩個仔玩得咁癲咁開心，睇嚟當初選擇唔放棄婚姻嘅鄺文珣，真係揀啱咗！
