2015年8月19日 星期三

臨場縮沙不果 奧尼爾抱起方力申玩入樽 方力申,



方力申話自己蒲到三點,飲到嚴重宿醉,所以臨比賽前真係想縮沙,不過奧尼爾就話佢係正選所以要上場。

next 1/1 pre

奧尼爾:我睇好你喎!你得嘅。(設計對白)

next 1/1 pre

方力申腳步浮浮,睇嚟真係宿醉得好勁下!

next 1/1 pre

高鈞賢(左)跳起同對手爭波!

next 1/1 pre

Mike Miller(左起)、方力申同奧尼爾影合照。

next 1/1 pre

奧尼爾同球迷打招呼,親切到暈。

next 1/1 pre

方力申個樣真係好冇神,咁嘅狀態下仲頂硬上打波,真係有體育精神。

next 1/1 pre

奧尼爾抱起方力申成個人,嚟一招花式雙人入樽。

next 1/1 pre

令到原本冇乜力嘅小方,都突然之間多咗股衝勁。

next 1/1 pre

方力申成功入樽後,捉實個框唔肯落地。

next 1/1 pre

奧尼爾單手都扶得實小方,堅喎。

next 1/1 pre

奧尼爾表現射籃神技,觀眾投入到企晒起身。

next 1/1 pre

嚟張大合照先。

next 1/1 pre

記者們舉機拍攝奧尼爾。

next 1/1 pre

場外粉絲。

next 1/1 pre

溫家偉都有在場。

next 1/1 pre

歌手方力申(Alex)出席品牌籃球表演賽,品牌請來四屆NBA總冠軍的奧尼爾(Shaquille O'Neal)及米克米拿(Mike Miller)各自擔任教練,Alex與高鈞賢則屬於奧尼爾的隊伍。

想同奧尼爾槍戰

Alex事前受訪時,他表示會落場比賽,但坦言曾跟奧尼爾講想縮沙:「尋日去咗佢打碟嗰度,玩到凌晨三點幾,而我有嚴重宿醉,尋日冇嘔但今日嘔咗兩次,本身想唔打,但佢話我係正選。」Alex更笑言奧尼爾有無限體力,皆因以為對方完成記者會後會想休息,豈料發現他欲乘的士到旺角逛街,他說:「咁啱我朋友有七人車,車咗佢去。我做呢行都體貼啲,現場買咗兩把電風扇畀佢,呢件亦係我入行以嚟最瘋狂嘅事,同個咁大舊嘅人行女人街。」問到有否想過再帶對方到哪遊覽?他說:「睇我拍戲!佢有話想一齊拍戲,故事係佢綁架我到美國,然後我逃走返香港,佢就嚟追殺我,最後喺街頭槍戰。」

帶挈IG吸人氣

問到奧尼爾是否很友善?Alex笑言他很隨心,狀態不好的話可以不出聲,不過Alex大呻至今仍未找對方為戰利品簽名。此外,Alex分享奧尼爾詢問其instagram follower的趣事:「佢問我有幾多人Follow,然後話同我合照再擺上佢instagram等多啲人follow我。(佢有幾多人Follow?)170萬,我少佢一個零,睇吓咁多嘢會唔會實現到。」

徇眾要求打加時

而活動開始時,奧尼爾向觀眾打招呼時,不停以廣東話說「你好!」引起全場尖叫,其後球賽Alex及高鈞賢於第一節落場,雖然Alex很落力但起初始終未能入球,終在第二節射入三分球,直到第四節本來落後三分的奧尼爾隊最後追平82比82。此時,奧尼爾拿了籃球並投向觀眾席,結果本以平手結束,不過司儀問觀眾是否想再看加時?在觀眾要求下他們打了一節加時,最後奧尼爾隊以一分之差95比94勝出。而比賽期間,奧尼爾更心血來潮,抱起方力申大玩雙人花式入樽,被抱起的小方,一時之間宿醉全消,奮力演出入樽之餘,更一度抱住籃球框唔捨得走,十分搞笑。

另外,奧尼爾跟米克米拿(Mike Miller)鬥射三分球,然而他兩次中框輸給米克米拿(Mike Miller),他亦扮不忿搞氣氛。

鍾意就快D Share啦!
Related Posts Plugin for WordPress, Blogger...