全城熱爆的娛樂八封新聞 & 時事趣聞 & 生活 + 趣聞
天佑同女友 Olive Wong拍拖多年，不過一直冇公開過！
結婚有啲人選擇高調，有啲人就慌死人知咁，好似 Shine成員、 32歲徐天佑，原來同拍拖多年嘅女友 Olive Wong結咗婚，據知天佑女友 Olive開咗間化妝品店 INUF，上年開始喺紅磡開鋪，雖然佢兩位對感情好低調，不過結婚咁開心， Olive都有同啲熟客講，上星期全知言諗住去恭喜下佢啦，點知 Olive好驚咁，仲話：「我唔會攞呢啲嘢宣傳，我哋冇結婚呀。」冇人話你宣傳，估唔到你咁低調啫。
天佑老婆 Olive對傳媒相當避忌，仲用手擋鏡頭，其實都係問你有冇結婚啫！
一聽到結婚兩個字，天佑老婆 Olive即刻否認：「我哋冇結婚呀！」
把口說不，但身體最誠實， Olive喺自己 instagram都忍唔住寫啲肉麻語句，女人都係講一套做一套㗎
