| 陳瀅同吳若希拗手瓜，主動出擊冧大隻仔溫家偉。 | next 1/1 pre |
 | |
| 女神就係女神，企喺條街度等人都靚過人！ | next 1/1 pre |
 | |
| 大隻仔引路前往雪糕店。 | next 1/1 pre |
 | |
| 開始係咁自拍，大隻仔仲要擺埋晒啲古怪樣！ | next 1/1 pre |
 | |
| 黐到勁埋添！ | next 1/1 pre |
 | |
| 真係勁黐身。 | next 1/1 pre |
 | |
| 企喺門口做生招牌。 | next 1/1 pre |
 | |
| 「蜜蜜斟」，甜到暈！ | next 1/1 pre |
 | |
| 女神笑得咁開心，睇嚟大隻仔冧女有一手喎。 | next 1/1 pre |
 | |
| 當日合照。 | next 1/1 pre |
 | |
| 同場仲有湯洛雯同羅天宇呢對情侶。 | next 1/1 pre |
 | |
| 四人圍埋傾偈。 | next 1/1 pre |
大隻仔多人爭！女神陳瀅憑劇集《四個女仔三個BAR》成功上位，原來她對肌肉男情有獨鍾，最近睇中大隻仔溫家偉，誓要同吳若希拗手瓜，主動出擊殺入雪糕店接近大隻仔！
日前下午3時多陳瀅於尖沙咀出席完活動後，先去髮型屋扮靚，然後再去行街及醫肚，最後直往大隻仔溫家偉的雪糕店，陳瀅甫泊好車，已見到大隻仔奔跑過來迎接，殷勤地招呼女神入店內，並第一時間親自裝了杯招牌雪糕冧女神。陳瀅拿過溫家偉送上的雪糕不停甜笑，繼而主動取出相機要求合照，只見他們隨即黐到實地玩自拍，頭貼頭影完，溫家偉繼而再將頭枕在陳瀅膊頭合照，兩人旁若無人地親暱一番，然後站在店外傾偈，及至有街坊認出上前要求合照，他們又如孖公仔般有求必應，幫舖頭做晒生招牌。
湯洛雯餵羅天宇食雪糕
同一時間湯洛雯正在店內餵羅天宇食雪糕畫面，一對小情人你一啖我一啖，完全無視其他人，更不時展開甜笑，果然熱戀中的情侶特別甜蜜！未幾陳瀅和大隻仔加入做電燈膽，四人圍在一起傾偈，大隻仔頻頻講笑話，氹到陳瀅不時露出甜笑，熱情的大隻仔亦一度捉住湯洛雯手傾不停。陳瀅於店內逗留約大半小時後，湯洛雯和羅天宇嗌走，才依依不捨地道別。
唔怕吳若希呷醋
《東網》致電溫家偉，問到陳瀅主動接近，會否對她有意思，他哈哈傻笑一番，然後說：「我哋兩個係好朋友，嗰日陳瀅搵唔到間舖我先專登去接佢。（驚唔驚吳若希呷醋？）吓！哈哈哈！應該冇嘢！（如果陳瀅同吳若希兩個AB餐俾你點揀呀？）嘩！我唔識答喎！你唔好叫我揀」繼而尷尬地傻笑。
|
鍾意就快D Share啦！
|
|
|
