【太陽報專訊】陳凱琳昨日出席活動，問到男友鄭嘉穎本月15日生日，會如何慶祝？她即大發嬌嗔，表示諗到頭都大埋，又指因分隔兩地，想送驚喜都送唔到！文：影視組
陳凱琳（Grace）及徐肇平昨日到屯門V city出席《2歲生日PARTY UP》活動，穿紅裙示人的Grace紅光滿面，獲父親撐場並充當私人攝影師。Grace與徐肇平為V city繪製生日卡，並送予新鴻基地產代理有限公司租務副總經理孫雅茵小姐。
Grace自爆喜歡為朋友製造生日驚喜，問到將如何度過拍拖後男友鄭嘉穎首個生日？她說：「未知，佢喺橫店拍緊劇。（去橫店慶祝？）唔得，我都開咗劇，行唔開。（諗掂送咩驚喜？）未，佢喺橫店拍到9月底，始終分隔兩地，我都畀唔到佢！（特別重視拍拖後首個生日？）生日唔同聖誕節，重要啲，但諗嘢送畀男仔好難，佢又唔鍾意食甜嘢，諗到我頭都大埋！好在仲有半個月時間諗，或者叫徐肇平媽咪教我煮番兩味。」
徐肇平代母出「煮」意
徐肇平則代媽咪黃淑儀應承：「好呀！我同Grace係加拿大之友。（頭先同小朋友擲骰鬥大小，擲親都輸？）我冇乜運氣，要踏踏實實工作。（故意讓賽？）係」Grace即取笑他找藉口：「我同佢太老友，如果對佢客氣，佢反而唔慣。」
|
鍾意就快D Share啦！
|
|
|
