【太陽報專訊】陳嘉桓、松岡李那與周嘉莉為節目飛往泰國沙美島，化身陽光美女！她們以比堅尼上陣大晒美好身段，靚人靚景令人心曠神怡！文：影視組
女星陳嘉桓（Rose）、松岡李那與周嘉莉主持有線節目《3S 放大假》，三位美女結伴走訪泰國沙美島及芭堤雅等地，並穿上性感比堅尼解放弗爆身材。置身沙美島醉人的陽光與沙灘中，三人無懼變黑，盡情享受日光浴，Rose笑說：「香港好少咁水清沙幼嘅沙灘，又多人，所以我平時唔會去沙灘，今日可以喺呢度享受日光浴！」
周嘉莉「在家拍拖」
欣賞島上浪漫日落之時，周嘉莉不忘與拍檔分享心事，大談擇偶條件：「男朋友唔要太高，唔係就要抬高個頭同佢講嘢，太辛苦喇！而且我個人非常『毒』，鍾意喺屋企，佢識煮飯就夠浪漫！」
松岡挑戰膽量
來到芭堤雅的水上樂園，三人繼續放肆大玩特玩，在刺激的水上設施中傳來尖叫聲，松岡更挑戰九十度垂直滑下的滑梯，Rose則悠然玩漂流，她笑說：「第一次同松岡去旅行，發現原來佢好大膽，我唔敢玩嘅嘢佢都會試。」
|
鍾意就快D Share啦！
|
|
|
