【太陽報專訊】周秀娜（Chrissie）昨日和蔡思貝（Sisley）出席機械人模型開幕禮時透露，下周將開拍新戲，戲內飾演機械人，與鄭伊健展開機械人情緣：「我個角色入得廚房、出得廳堂，又溫柔又體貼，係鄭伊健嘅專屬機械人。（服侍佢？）唔算服侍，係人同機械人情侶關係。（有床戲？）啱啱先試造型，古仔要等導演度，如果導演OK，我都OK，但普通情侶親熱戲係有嘅。」
而Sisley表示不知道徐子珊被指有意離開無綫：「我相信每個人做決定都有個好好嘅原因，祝佢好運！所有嘢都順利。（自己多咗機會？）其實公司一路都畀好多機會我，我好感恩，唔會因其他因素而影響，自己會做好呢啲機會。」
