2015年8月6日 星期四

玩命男女天台自拍那些年? 林先生:望到都腳軟





其他影片:>>






想睇最新消息? 即時follow【現場-蘋果突發】fb!http://fb.com/applecitycrime

讀者林先生,下午2時15分,在旺角銀行中心20樓一間店舖購買貨品,當望出窗外時,赫見有2男3女在對面德發大廈的天台徘徊,「好可怕,(佢哋)都差啲跌落去!」當他仔細察看,「望見佢哋用自拍神棍不停自拍,仲大膽地坐咗喺樓頂上。」林先生形容,個情景如同那些年一起坐在樓頂上的日子般,惟因現場大廈樓高25層,相信稍一不慎,隨時會釀成悲劇。

林先生坦言,「我望到都覺得腳軟,好驚,佢哋仲要坐喺度曬太陽,曬咗成45分鐘都冇走開,暈一暈都真係不堪設想!」、「佢哋應該係玩玩吓,但係覺得佢哋好Crazy(瘋狂),玩命!可能唔明白生命有幾咁重要。」

其實有關男女的行為,與時興玩的rooftopping攝影相約,即大膽的攝影師,站在摩天高廈天台拍俯瞰照,行為極度危險,大家千祈唔好亂學。

(讀者林先生提供圖片) (讀者林先生提供圖片) 5名玩命男女危坐天台的動作,與電影《那些年》的海報相似。(讀者林先生提供圖片)
鍾意就快D Share啦!
Related Posts Plugin for WordPress, Blogger...