無家可歸郭少芸玩夜啲 [壹週刊 - 1326] 郭少芸,M1,

同你吟一吟

無家可歸郭少芸玩夜啲

做咗三年幾馬家姑姐，郭少芸喺新版《愛•回家》無家可歸，再唔捨得，都要榮休。

日前《壹》仔見到郭少芸約咗個四眼男喺圓方利苑食飯，之後再買飛睇九點半，驚唔夠精神，買定咖啡入場，一人一杯。等夠鐘期間，郭少芸成隻開籠雀咁，不停同男伴講嘢，仲引到對方笑晒。

唔使日日返電視城報到，去街可以玩夜啲，唔怕第日開工要限時限刻。冇包袱，平時 cool爆嘅郭少芸都零舍唔同。

行又好，企又好，郭少芸全程冇停口，就算要做阿四幫男伴攞住咖啡，依然笑晒口！

喺自動售票機買完飛，搞錯日子要埋櫃位換飛，其間四眼男忽然摸住郭少芸膊頭，但當事人話大家係朋友唔係拖友。

撰文︰八珍

nextb@nextmedia.com

鍾意就快D Share啦！

下一篇 》