美國財經雜誌《福布斯》（Forbes）近日公佈去年6月至今年6月，統計嘅2015年全球最高收入男星（The World's Highest-Paid Actors 2015），可能美國方面更加重視華人市場，呢個年度將華人演員納入統計之列，今年有三位華人男星首次打入呢個榜。
去年只拍過一部《天將雄獅》嘅成龍，以5,000萬美元（約3.9億港元）的收入名列第二，第一位就係拍攝《復仇者聯盟2：奧創紀元》（Avengers：Age of Ultron）嘅美國男星羅拔唐尼（Robert Downey Jr.），以8,000萬美元（約6.2億港元）奪得冠軍寶座。
周潤發亦以1,800萬美元（約1.4億港元）收入排第24位，報道指佢係因《賭城風雲2》吸金。其實上年發哥仲有套《西遊記之大鬧天宮》收2,500萬人仔片酬，而《賭城風雲2》就更加有3,000萬人仔，仲未計佢兩套片都有約營利8%分紅，而兩套片於內地都各大收約10億人仔，真係好和味！不過，福布斯的計算方法，係由去年6月計到今年6月，所以《西遊記之大鬧天宮》片酬並未計算入內。
今日發哥回應本報時笑言：「咁畀面呀！但我鬼知自己一年有幾錢收入咩！我啲財政全部由老婆管理，老婆每日只放幾百蚊喺我銀包咋！不過基本上我每日都冇乜點使現金。」而劉德華就以1,300萬美元（約1億港元），排第33位。
|
鍾意就快D Share啦！
|
|
|
