熱爆娛樂: 制服 C9熱褲陳爽 [壹週刊

2015年8月6日星期四

幫大台拍完《衝上雲霄 II》後，陳爽就同做金融嘅男友去咗海南島三亞舉行婚禮做梁師奶，舊年仲生埋個仔。

大學讀經濟，又修過管理學同法律課程嘅陳爽，做咗幕前數埋得五年，已經夠籌，決定另闢天地，學以致用搞生意，開咗間骨膠原專門店。

做咗老闆，但亦要分飾人妻人母。去買餸，幾大袋都係自己搞掂。有頭家又要顧住檔生意，忙到甩轆，難怪陳爽產後身形都冇走樣，只係去街市又好，去中環太子大廈買高檔玩具俾個仔又好，都係 T恤短褲踢拖， C9咗啲囉！

喺大昌買完凍肉再去菜檔買咗大袋菜，唔使問，是日晚餐係烚吓烚吓。

冇人幫！兩隻手揸住幾大袋嘅陳爽打的走。

上月一家三口出埠度假，產後身材冇走樣嘅陳爽，晒埋胸！

去街市，短褲踢拖，一家三口去專賣貴價貨嘅太子大廈 shopping，陳爽一樣係 C9制服出動。

揀完玩具，老公（箭嘴）去碌卡俾錢，梁師奶攬住囝囝玩住等。

鍾意就快D Share啦！