2015年8月19日 星期三

藝術學院女 cake神  3D蛋糕連霆鋒都讚 [FACE - 430 - 大專校園] 霆鋒,謝霆鋒,MF,



鋒味曲奇要排隊買係人都知,估唔到霆鋒新店嘅開幕禮上嘅道具,全部都係 Jessica幫手整,真係有眼光!

U Spy

藝術學院女 cake神  3D蛋糕連霆鋒都讚

最近有人喺 ig成日 po啲超神級立體蛋糕,整咩似咩,好鬼勁!

呢位神級蛋糕師原來係讀緊香港藝術學院 Yr.2嘅 Jessica,佢仲幫過謝霆鋒嘅鋒味曲奇開幕禮做場地佈置,當日霆鋒枱上超靚蛋糕都係 Jessica傑作,件件食得落肚!「其實係霆鋒搵咗我做開兼職間蛋糕店合作整開幕典禮嘅佈置,我用咗三日時間去整,整咗出嚟大家覺得檯上面嘅嘢好似真嘅一樣,大家都好滿意!」

整蛋糕叻,但 Jessica話成為蛋糕師純屬意外,「我 16歲去見暑期工,諗住做甜品蛋糕店助理,點知個老闆見我讀藝術,就問我有冇興趣去工場幫師傅整蛋糕裝飾,咁細個有人請已經好開心,梗係應承話做以前一整立體嘢我就覺得頭痛心煩,但為咗份工馬死落地行,好在我由細到大都學畫畫,喺比例同顏色配搭方面會有小小優勢。」

全枱都食得

成張檯都係 Jessica嘅心血,驟眼睇真係幾可亂真,其實全部都食得!

藝術學院 Yr.2 Jessica

整蛋糕技術一流,吸引唔少絲打想幫襯,「我淨係做公司啲訂單已經好忙,分唔到身 sorry!」

呢個有魚缸蛋糕,係 Jessica覺得最難嘅一個,「透明玻璃係用糖做,煮咗好多次都失敗,有氣泡,臨交蛋糕前三個鐘先整到一塊靚,成件事好緊張!」

撰文: U Spy

鍾意就快D Share啦!
Related Posts Plugin for WordPress, Blogger...