2015年8月19日 星期三

老馬有火 片場惡晒有前科 曾江鬧邵音音點高志森 [FACE - 430] 邵音音,曾江,MF,



電影《媽咪俠》入面,曾江飾演一個乜都彈、乜都睇唔順眼嘅老年人,同現實真係好相似。

真面目

老馬有火 片場惡晒有前科 曾江鬧邵音音點高志森

薑愈老愈辣,上週爆出 79歲四哥謝賢兜巴星 80歲曾江就係一個好例子。

話說二人因拍攝《四個小生去旅行》而產生磨擦,曾江仲多次以腳痛為由而要人服侍,加重另外三位小生負擔,燥底四哥梗係出聲

原來曾江嘅麻煩事唔只一次,去年接拍由高志森執導的《媽咪俠》時,就試過嫌攝影師唔專業,而要求高志森另外請多一隊 crew專拍自己;在片場更試過鬧爆邵音音!四哥呢一巴如果打中,應該為唔少人出番啖氣喎!

深夜重播的《誓不低頭》陸國榮,人見人憎都因為曾江演得好!多年來曾江多演大奸大惡角色,形象入晒血。謝賢上週在《四個小生去旅行》的記招上怒摑曾江,亦揭出曾江多年來在片場的惡行。

兩格重溫

四哥一個轉身就起手星落曾江度,點知俾胡楓擋到,估唔到修哥身手仲幾敏捷喎!《蘋果日報》圖片

被打到眼鏡都飛甩嘅胡楓,呢一吓真無辜喎!《蘋果日報》圖片

嫌未夠班

去年曾江接拍由高志森執導的電影《媽咪俠》時,曾江就試過與馮寶寶拍一場搶拐杖戲時令馮寶寶意外受傷,又因為邵音音誤踢他而狂鬧音音姐唔專業。

據知曾江在片場上不單當劇中的後生演員 BabyJohn(蔡瀚億)透明,就連同輩份的馮寶寶、邵音音等人都同樣招呼唔打個,而且嫌攝影師唔專業,故要求導演高志森另請一隊 crew專影住自己,更揚言:「我教你點拍!」向導演提出要換 crew,「佢嫌班 crew唔識拍,所以同導演講要請過一班 crew嚟淨係拍佢」。

本刊週一( 17日)聯絡身在清遠的高志森求證時,高大導就唔認:「絕無此事。我認為曾江係香港影壇少數極其優秀嘅演員,佢對角色創造有深度。」至於會否再用曾江?「有適合角色,佢一定係首選。」

有指曾江拍攝途中誤傷馮寶寶隻手,仲令患處腫到雞蛋咁大!網上圖片

曾江除咗出席過《媽咪俠》頭一次首映後,謝票活動一律冇影。網上圖片

除咗記者會上四哥主演嘅大龍鳳之外,近日大台亦將曾江拍攝時嘅花絮放上網,片中謝賢仲話:「佢冇作狀,冇做戲,嗰啲行得幾正。」網上圖片

有過 3段婚姻嘅曾江, 94年同焦姣結婚至今。網上圖片

激嬲爺爺

導演話冇事發生,不過曾江與演員不和就絕非新聞。去年接拍東方衞視的內地版《花樣爺爺》時,就因扮大牌而令內地演員牛犇和雷格不滿,更多次當內地一線小生劉燁做出氣袋,結果要由秦漢打圓場至冇鬧大交!

有才華嘅人,脾氣真係大啲喎!不過 80歲人就要收吓火

去年曾江參加內地版《花樣爺爺》,有指佢扮大牌令雷格和牛犇不滿,仲將劉燁當出氣袋。網上圖片

曾江多次呼喝劉燁(左),令工作人員兼其他爺爺睇唔過眼。網上圖片

真人騷冇得呃,曾江(中)喺《花》入面,真係拎住拐杖都跳到舞。網上圖片

咪睇小曾江

咪睇曾江 80歲人仲唔化,其實佢中學畢業後去咗美國名牌大學加州大學柏克萊分校讀建築,返港後做過 3年建築師!後嚟加入娛樂圈都有多部為人熟悉嘅作品,當然仲有「美源髮采」呢個廣告啦。不過要數猛料,一定係當年拍住周潤發殺入荷里活拍《血仍未冷》,就係因為曾江講嘅英文對白而令佢比發哥更早喺荷里活響朵!今年終憑《竊聽風雲 3》攞埋金像獎最佳男配角。

粵語片年代,當年都幾靚仔嘅曾江好快已經上到一線小生嘅位置。網上圖片

98年《血仍未冷》令曾江快過發哥喺荷里活留名。網上圖片

12年憑《竊聽風雲 2》獲提名最佳男配角, 15年終於憑《竊聽風雲 3》攞到,算有交代網上圖片

採訪、撰文:娛樂組

鍾意就快D Share啦!
Related Posts Plugin for WordPress, Blogger...