掃呢頁CODE去手機

2015年9月20日 星期日

林莉嫻孭飛《鴨王2》何浩文:正過袁嘉敏! 袁嘉敏,何浩文,林莉嫻,鴨王,鴨王2,林莉,

曾任《東網Baby》、擁43吋長腿的林莉嫻剛簽約王晶旗下,即被委以重任擔正電影《鴨王2》。

林莉嫻孭飛《鴨王2》何浩文:正過袁嘉敏!

早前成為《東網Baby》系列女主角的林莉嫻,被導演王晶睇中並以秘密武器姿態,加盟下月開拍的電影《鴨王2》擔任女主角,與文凱玲及何浩文合作!成為晶女郎的林莉嫻,坦言又驚又喜,早前於《賭城風雲III》客串,與周潤發及王晶同枱食飯,緊張得連手都搣到損晒!而何浩文聞言有林莉嫻加入時,表現興奮自爆已抄對方牌更揚言:「佢正過袁嘉敏好多!」

導演王晶歷年來捧紅過不少女星,如邱淑貞、胡然、孟瑤及唐紫睿等人,位位都冠以「晶女郎」稱號。王晶有見今年上映的電影《鴨王》破千萬大收旺場,食住條水決定在下月開拍續集《鴨王2》,並由「晶女郎」文凱玲及「鴨王」何浩文(Dominic)助陣。前日王晶更在微博預告將有秘密武器加盟《鴨2》,原來就是他剛羅致旗下的新人林莉嫻(Leslie),似乎有意打造她為「新一代晶女郎」,他留言:「公司簽了演員,很有氣質也很性感,各位觀眾,林莉嫻!Leslie!」

成為王晶秘密武器的林莉嫻,早在今年6月曾任東網推出的《東網Baby》「夏日心動」系列女主角之一。當時着三點式泳衣接受本報訪問的她,除憑43吋長腿獲封為「高版陳凱琳」外,更表示對自己身材十分有信心,望獲導演睇中闖影壇,如今可算是夢想成真,有幸成為「新一代晶女神」!

王晶直認透過本報發掘新任「秘密武器」。
  • 王晶直認透過本報發掘新任「秘密武器」。
「鴨王」何浩文大讚林莉嫻身材好又夠後生。
  • 「鴨王」何浩文大讚林莉嫻身材好又夠後生。

夢想成真不怕比較

王晶昨日接受電話訪問,直認是看到Leslie在《東網Baby》的性感演繹才發掘這位「秘密武器」:「都係呢一、兩個月先簽佢,年期都唔短,合理新人價。(點發現佢?)咪睇你哋嘅《東網Baby》!佢之前都客串過《賭城風雲III》,嚟緊佢會同文凱玲喺《鴨王2》做女主角。(咁咪好性感?)套戲係IIB級,好似《喜愛夜蒲》咁意識大膽同性感!佢幾好 (0架),出年都預多套電影畀佢!」

而榮升為「晶女郎」的Leslie,坦言既開心又驚喜:「《東網Baby》報道出街後,晶哥托人搵我,真係好喜出望外。(拍《鴨2》大壓力?)唔會,當係一種人生經驗。(接受到性感或全裸演出?)健康性感都冇問題,但全裸就要考慮。」她坦言不怕被定位為性感女星,會以平常心面對,但談到外間可能將她與《鴨》女主角袁嘉敏比較時,她表示:「唔怕比較,大家走嘅路線唔同。」而曾在《賭III》客串過的Leslie,早前與眾演員食飯時自爆緊張得不知所措:「嗰日同發哥(周潤發)、晶哥(王晶)食飯,我一句嘢都冇講過,緊張到不得了,仲緊張到搣損手,發夢都估唔到可以同佢哋同枱食飯。」

抄定牌後生又夠fresh

至於「鴨王」Dominic坦言一早已與Leslie見面,大讚對方不錯,並已交換電話:「之前同佢對過戲,身材好又夠後生,梗係正過袁嘉敏好多!(上次同袁嘉敏鬧不快,今次擔唔擔心?)其實我同袁嘉敏唔熟,Leslie佢好新鮮、好爽同好cute。(有發展機會?)唔知,第日嘅嘢無人知。」

林莉嫻 Leslie Profile

姓名:林莉嫻(Leslie)

年齡:23歲

三圍:33B、24、36

身高:1米76

入行經過:前身為模特兒,今年6月成為本報《東網Baby》夏日心動系列女主角之一,其後被導演王晶睇中,羅致旗下成為新一代晶女郎。

袁嘉敏 Candy Profile

姓名:袁嘉敏(Candy)

年齡:30歲

三圍:33D、23、34

身高:1米68

入行經過:參選2009年港姐並奪「最上鏡小姐」,其後加入無綫任主持及拍戲。在2013年離開無綫恢復自由身。

文:專案組

採:影視組、專案組

鍾意就快D Share啦!