【四日兩宗】港鐵又「炒電梯」 戴小姐︰覺得好驚
2015-09-20 20:58:00
港鐵黃大仙站有3至4級的電梯被「炒起」。(讀者戴小姐提供)
想睇最新消息？ 即時follow【現場－蘋果突發】fb！http://fb.com/applecitycrime
港鐵「炒電梯」事件不斷發生，四日內發生兩宗，令乘客提心吊膽。晚上7時許，讀者戴小姐正在港鐵黃大仙站行樓梯落大堂時，突然聽到旁邊由下而上的扶手梯發出巨響，其頂端出現「自炒」的情況，至少有3至4級的電梯被「炒起」。
她憶述當時是繁忙時間，約有8至9人使用涉事電梯，當他們見到電梯「炒起」時，便立即大叫「又爛電梯...快啲走」，然後便一窩蜂向後跑，走回港鐵大堂，「嗰啲人即刻問有冇人有事，仲自發性圍住條電梯唔畀人搭」。她直言事件來得突然「覺得好驚」，大約半分鐘後，港鐵職員便到場指示乘客乘其他電梯，並將涉事電梯圍起，再安排承辦商到場維修。
《蘋果》就事件正向港鐵查詢。
港鐵不時發生扶手梯自炒事件，上周四(17日)，鰂魚涌站一條扶手梯突然傳出巨響，梯級爆開，有鐵片飛出( http://bit.ly/1F5aoOY )。另外，今年6月，筲箕灣站一條扶手電梯頂部移位，部分梯級摺起甩脫，推著BB車經過的菲傭及時抬起BB車跳過，扶手梯煞停後( http://bit.ly/1OgqLLf )。
港鐵用綠色帆布將涉事電梯蓋上。(司徒韋桐攝)
涉事扶手電梯被圍封。(司徒韋桐攝)
|
鍾意就快D Share啦！
|
|
|
