陳偉霆(William)今日凌晨喺微博宣佈同阿Sa蔡卓妍分手之前，即係噚日下晝2點幾，就以歐麗薇蘭橄欖油代言人身份出席喺杭州西湖文化廣場舉行嘅「為最愛的人做一道菜」活動，數以千計粉絲喺現場守候，見到William時不停尖叫聲。
不過，睇番噚日現場啲相，William不時愁眉苦面、強顏歡笑，就算台上同粉絲合照，都係笑得好牽強，唔知係咪因為預備夜晚宣佈同阿Sa分手，所以搞到悶悶不樂，出席活動都冇心情呢？
諷刺嘅係，William噚日活動主題名為「為最愛的人做一道菜」，結果夜晚佢宣佈分手，呢道菜變成「為最愛的人做最後一道菜」！
