掃呢頁CODE去手機

2015年9月13日 星期日

孭住萬三個負皮 梁烈唯謝晒皮:冇呀,唔知……冇回應 梁烈唯,



高登「負皮王」梁烈唯——究竟係巴絲有心整蠱,定係嗰張中共閱兵當日向老兵致敬相出咗事?唯唯喺高登個po,兩日有過萬人負評,創下高登紀錄。截至成個po被鎖帖(回覆超過1001),佢總共有13,758個負皮,因而稱王。

不過梁烈唯都好睇得開,點都會有人俾正評自己,負皮一樣。佢冇理咁多,第二日照樣同爸爸媽媽去茶樓盡孝心。

今晚梁烈唯又出動,去到九展欣賞林希樺(Elsa)talk show。見佢個樣……唉,平時好精靈活躍到不得了,今晚就……佢個樣,寫住無奈二字。

問佢點睇自己靠負皮稱王?佢真係好無奈,吽晒咁,話:「唉,冇乜回應呀。」有冇唔開心?「又冇乜,多謝關心啦。」

咁驚唔驚因為咁而影響形象?梁烈唯話:「冇呀,唔知……冇乜回應。」

有冇登高望下?「冇呀,冇睇。朋友會關心。原來朋友心目中係好關張,會打俾我問。喺街上遇到唔識嘅街坊,都會走埋嚟同我講支持我,叫我唔好唔開心,但我真係冇乜嘢。」

咁太太呢?梁烈唯無奈地吐出三個字:冇理到。

呢個致敬動作… 好謝 真係好謝
無晒心機
鍾意就快D Share啦!