高登「負皮王」梁烈唯——究竟係巴絲有心整蠱，定係嗰張中共閱兵當日向老兵致敬相出咗事？唯唯喺高登個po，兩日有過萬人負評，創下高登紀錄。截至成個po被鎖帖(回覆超過1001)，佢總共有13,758個負皮，因而稱王。
不過梁烈唯都好睇得開，點都會有人俾正評自己，負皮一樣。佢冇理咁多，第二日照樣同爸爸媽媽去茶樓盡孝心。
今晚梁烈唯又出動，去到九展欣賞林希樺(Elsa)talk show。見佢個樣……唉，平時好精靈活躍到不得了，今晚就……佢個樣，寫住無奈二字。
問佢點睇自己靠負皮稱王？佢真係好無奈，吽晒咁，話:「唉，冇乜回應呀。」有冇唔開心？「又冇乜，多謝關心啦。」
咁驚唔驚因為咁而影響形象？梁烈唯話:「冇呀，唔知……冇乜回應。」
有冇登高望下？「冇呀，冇睇。朋友會關心。原來朋友心目中係好關張，會打俾我問。喺街上遇到唔識嘅街坊，都會走埋嚟同我講支持我，叫我唔好唔開心，但我真係冇乜嘢。」
咁太太呢？梁烈唯無奈地吐出三個字:冇理到。
|
鍾意就快D Share啦！
|
|
|
