2015年9月13日 星期日

何傲兒陪林建名坐足3粒鐘睇騷 廁所都冇去 林建名,傲兒,何傲兒,



【好識做】何傲兒陪林建名坐足3粒鐘睇騷 廁所都冇去

2015-09-13 14:45:00



呢對「爺孫」...其實都幾高調....(資料圖片)

何傲兒自從「照田雞」事件後,唔知係咪擔心激嬲米飯班主林建名,噚晚就撇甩緋聞男友周子揚,陪林生去紅館睇「李克勤容祖兒演唱會」,佢唔止咬住手指冧林生,全程三粒鐘坐足陪老闆,連洗手間都冇去過,成晚乖乖陪睇騷,完全冇離開過林生一步。

當克兒走埋觀眾席握手時,坐第一行有利位置嘅傲兒,好似粉絲咁好興奮,企喺身同克兒先後握手㖭,仲拍晒手打拍子,睇得相當投入,林生見狀都企身同兩人握手,可能林生睇得騷太多,表現冇後生女傲兒咁投入,傲兒見狀即挨埋老闆身邊,雙手哄住老闆耳邊同佢咬耳仔,o氹吓林生開心。

去到11點安歌時,克兒一輪勁歌熱舞,傲兒同林生仲企起身拍掌睇得好興奮,傲兒發現有人影相時,仲特登望咗幾眼㖭,刻意表現大方,之後,保安埋嚟問佢哋使唔使入後台,傲兒問咗林生後就繼續留喺場內睇騷,反而坐佢哋隔離嘅范徐麗泰同友人起身離去,林生就掂一掂傲兒嘅手臂,示意讓位畀范太走。當克兒唱完《紅日》舞台爆出嘭一煙花效果,傲兒嚇到兩手掩耳,林生就好鬼淡定。

到差唔多臨完場,保安埋嚟帶兩人入後台,行前面嘅傲兒刻竟行慢兩步,體貼地遷就老人家林生,鄭欣宜同許廷鏗亦緊隨兩人,不過欣宜同許廷鏗行到控制台下面時,有份主辦嘅英皇高層就招呼兩人坐埋一齊睇完場,林生同傲兒就入後台,等完騷後同克兒合照留念。

而克勤老婆盧淑儀噚晚都有帶兩子捧場,克勤嘅7歲大囝李立仁(Ryan)同5歲細囝李力司(Rex)睇得好興奮,不停向台上嘅爸爸揮手打氣,盧淑儀就與同是港姐出身嘅蔡少芬密密斟鬼咁好傾,噚晚捧場嘅嘉賓仲有甘比同仔女、徐濠縈同囡囡,十分熱鬧。



甘比同仔女,徐濠縈同阿女都有嚟



傲兒BB真係好乖呀.....







傲兒BB俾煙花效果嚇親...



o依家睇演唱會要坐第一行,唔係有錢就買到o架



克勤兩個囝囝(後排白衫跟間條衫小孩)都有嚟捧Daddy場



鍾意就快D Share啦!