紙係包唔住火，仲要係熱戀中嘅火——係咪好熟呢？係喇，日前有周刊爆料，話何傲兒同有米奀星周子揚嚟個凌晨兩點幾嘅密會，車廂纏綿四個鐘，仲俾警察「照田雞」呢……Intro.就係用呢句開頭喇。
車廂蜜會仲「照埋田雞」兼上封面，事後何傲兒受訪回應時驚豬到撞牆，解釋謂當晚只係同周子揚喺車裡面食嘢傾偈，又話之前都見過有警車巡邏，認為嗰個係安全嘅地方。何傲兒仲眼紅紅喊咗出嚟，表示自己同男方都好大壓力，認為自己好惹新聞，先好多時選擇匿埋喺車廂見面。
爆出呢單嘢之後，傳媒當然馬上問大少林建名回應，佢契女戴夢夢即表示大少唔喺香港。死啦，大少會唔會嬲咗傲兒BB——又惹新聞0架，應該就冇喇，因為今晚大少同傲兒BB去咗紅館睇李克勤X容祖兒演唱會，仲坐第一行靚位，大方笑晒任影添。
傲兒BB同大少喺開場前已入座，細細聲傾偈，傲兒仲聽得入神，不自覺地咬手指。當發現有人影相，傲兒表現大方微笑。之後欣宜同許廷鏗孖住到場，坐傲兒後面第三行，傲兒BB仲主動同兩人打招呼。開場後，傲兒又用手機，同台上嘅克兒自拍。
唔知傲兒遲啲會唔會同周子揚睇多次呢？
|
鍾意就快D Share啦！
|
|
|
