雖然早前劉浩龍被網民插爆，但並唔代表佢唔受歡迎，點解咁講? 你睇下尋日(12日)佢同周秀娜、方力申一齊喺APM出席嘅賽車宣傳活動，你睇下劉浩龍，勁多fans搵佢影相，簡直係老中青通殺!
講番個活動先，原來娜姐係第一次落場玩賽車，不過娜姐睇嚟就好驚青啦! 大家聽下佢嘅賽車偉論啦! 佢話︰「其他人炒車嘅時候，我好安全到達就ok啦! 因為我一見到有車，我發覺打燈都冇用， 都冇得打燈。」
娜姐，我就咁聽，我都替你好擔心囉! 話晒賽車喎，唔係平時揸車，俾你貼個P牌都冇用， 唯有祝你路路暢通啦! 完全明白咩叫志在參與!加油呀!
