2015年10月13日 星期二

一個笑匠的誕生 方東昇大起底 方東昇,





其他影片:>>






想搞笑,觀眾會起「星爺」周星馳,近年星爺產量不多,不過大家上周扭開電視,就會出現出現另一個同樣搞笑的「昇爺」--無綫新聞主播方東昇,此昇當然不同彼星,但他一反嚴肅形象,以搞笑手法主持資訊節目《世界零距離II》,揭開他神隱的笑點,已離巢的新聞之花周嘉儀、黃紫盈和黃婉曼等亦齊齊大爆昇爺笑料。

因為「是旦男」高舉展示寫上「無綫新聞是是旦旦」而迅即於網上人氣急升方東昇,因為呢個節目而令人見識到其食字gag本領。這位來自新聞部的笑匠,原來鏡頭背後經常腦筋急轉彎,隨時隨地都有幽默感,已離巢的新聞之花周嘉儀、黃紫盈、黃婉曼、陳珍妮同新聞王子柳俊江均異口同聲爆料。 

當年同樣以跳脫口脗報告天氣嘅黃婉曼,大爆師兄私下愛講爛gag,佢接受《蘋果》電話訪問謂:「佢會㗎,東昇係我前輩,佢為人好風趣,做新聞好勤力,仲會做足功課,睇到呢個節目,完全係佢真性情,搞笑得嚟又帶出好多資訊畀大家。我睇《世II》,以為佢離開咗新聞部,節目有少少娛樂性,又有資訊,未至於好娛樂化嘅搞笑。」

黃婉曼表示當年離職,昇爺不忘送上爛gag勉勵:「佢知我轉去中移動雜誌,佢話:『恭喜我由一間巿值幾多錢公司,跳去另一間幾多幾多倍嘅大公司,前途無可限量』,佢嘅賀辭好風趣,至今都記得。」黃婉曼又大爆料昇爺「背包」的秘密,佢話:「我聽聞佢孭住嘅書包,裡面有部打印機,方便隨時印出資料備用。」

新聞雙花黃紫盈同周嘉儀都非常欣賞昇才華,黃紫盈先說:「佢外表好似好嚴肅,但講嘢有內容好抵死,又到位,寫稿文字好活潑唔死板。其實《世II》呢個節目好東昇,或者平時啲人睇新聞冇咁留意到,而呢個目長約二十分鐘,大家睇起嚟先咁覺眼。」

黃紫盈大讚昇讚有智慧,利用深入淺出令觀眾消化資訊:「佢啲嘢唔係隨口噏,唔係癈話,句句到位,佢講笑,都唔會自己嘻嘻哈哈笑先,佢會皮笑肉不笑。」黃紫盈難忘昇爺傳她的搞笑短訊:「佢會叫我大姐前,大姐後,你會睇到笑咗先,佢仲會留言『有勞大姐』,我係妹妹啫,睇落好窩心。」

嘉儀BB就指剛入職時早留意到昇爺愛用押韻風格:「佢創出嚟,幾funny,佢轉數好快。佢喺節目介紹幾個地方都唔係港人熟悉,除講飲食,仲會搵到當地僅有嘅華人做訪問,有娛樂有資訊,又有教育意味,拿捏好好。」嘉儀BB評昇爺表現,10分有9分,餘下1分是進步空間。

陳珍妮對昇爺最深印象是對方稿風格:「佢鍾意玩食字。」柳俊江談舊拍檔就話:「佢寫稿一定會諗,唔係就咁搬字過紙,我可以講多新聞部同事其實都愛搞爛gag,有風趣一面。」

對於被網友封為爆笑昇爺,佢透過WhatsApp回覆:「非常抱歉,由於公司規矩,不便接受訪問,請見諒,謝謝。」

昇爺主持嘅《世界零距離II》,上周平均收視有21點,約136萬名觀眾收看,昇爺發出嘅笑彈令收視對比上周微升咗1點,多吸納約64,000名觀眾。 

電視圖片 呢啲嘢企鵝都識啦! (電視圖片)
抱得美人龜之後,當然士氣大振!(電視圖片) (資料圖片) 做足準備(資料圖片)
「是旦男」…(資料圖片) 2010年無綫電視傑出員工嘉許計劃 (資料圖片)
方健儀結婚,昇爺一定要到啦(資料圖片)
鍾意就快D Share啦!
Related Posts Plugin for WordPress, Blogger...