自稱諸葛亮第63代後人嘅諸葛紫岐（Marie）同Neway二少薛嘉麟結婚三年，生埋囝囝「冰岐麟」，仲開經理人公司，準備大展拳腳，最近Marie未知是因為公司壓力太大，定係其他原因，忽然暴瘦，疑婚姻出現暗湧(新聞連結：http://bit.ly/1LhIDQg)。
薛嘉麟噚日忽然喺微博留言：「天氣終於轉涼了。是否狂風暴雨過後就會涼風刺骨？ 以下是一個轉發。」轉發內容講現今嘅女人喺男人眼裡變得越嚟越現實，又話以前成日聽人講邊個老公出軌，0依家最常聽到邊個老婆拋棄「自我嘅老公」，選擇另一條開心嘅路，薛嘉麟認為文中講「婚姻不是一個人，是二個人心的歸屬，如果只是一個人單方面的付出，時刻長了，看不到期望，又豈能怪女生再去尋找屬於她認為的愉快呢」先會轉發內容。
內容又指，「誰先離開誰又還有甚麼重要的呢」，薛嘉麟引述以上內容，唔通係想講佢同諸葛紫岐嘅婚姻亮紅燈。講開又發現諸葛紫岐嘅微博，真係幾個月冇貼出同老公晒恩愛嘅相，反而貼多咗好多自己忙做生意嘅相，難道薛嘉麟貼文講嘅事業型女性，就係講緊諸葛紫岐!?
另外，薛嘉麟15日前，先喺微博讚老婆諸葛紫岐，當時諸葛紫岐留言：「淩晨又要飛去另一個城市 ，手機不離手 工作不停做 。每個人，都是獨特的風景。你站在橋上看風景時，看風景的人在樓上看你。不必豔羨他人，家家都有一本難念的經。你該學會相信自己，試著把自己最亮麗的一面找出來，並呈現在陽光下。」似乎支持另一半去行自己嘅路!
|
鍾意就快D Share啦！
|
|
|
