掃呢頁CODE去手機

2015年10月3日 星期六

陳豪特赦 陳茵媺簽一年約復出 茵媺,陳豪,陳茵媺,





其他影片:>>






何止返工時間要彈性,仲要做乜都有得揀,不過就要得陳豪批准,因為,係陳茵媺要彈性啊!

為咗大仔陳梓燁,陳茵媺放棄陪住自己多年嘅貓貓,仲甘願暫時放低幕前工作;今年初再生埋小王子陳浩鋒,湊住兩個小寶貝,認真忙到甩轆。

不過責任還責任,興趣還興趣,陳茵媺對於拍劇團火仲好熾熱,所以同老公拗來拗去,都係復出嘅問題,但好彩,終於都有共識。原來陳豪拍《心戰》撻著陳茵媺後,已經提議過對方減產,依家就更加唔使講。

傾掂數,獲老公批准復出,偶然客串吓,陳茵媺即時同前經理人陳嘉莉簽咗一年約,陳嘉莉跟開陳氏夫婦嘅大小事務,合作慣,溝通到,信得過;加上合約列明Aimee有絕對選擇權,自由度大,想拍就接,唔想拍就拜拜。

政府就話隨口噏,叫你「袋住先」啫,但以陳茵媺同陳嘉莉嘅關係,必定學葉童話齋:「要唔要,由我揀!」
鍾意就快D Share啦!