綺夢呀，食唔食龍蝦呀？綺夢!
綺夢，你會先諗起吳君如食龍蝦，定係佢——張敏？
依家嘅吳君如，越來越索；已經升格為人妻嘅張敏，對上一次有佢嘅消息，係2012年，當時45歲嘅張敏，喺北京接受本報記者專訪，宣佈同48歲嘅前經理人劉永輝明年結婚。講到待嫁心情時，張敏話：「呢一刻我感到好幸福快樂，佢對我好好，我好感恩。」
轉眼又過咗三年，消息指張敏已返港一段時間，暫居港島。今日下午六點半左右，見到戴上黑色cap帽同黑超嘅綺夢，同一男一女現身時代廣場化妝品部，當時三人周圍望好似搵緊嘢咁，未見就發現記者，張敏急欲離開，反而男子就行咗入化妝品部買嘢。張敏就想出番去上車走，但疑因唔熟路，喺化妝品部行咗個圈先至出到去。
五分鐘後，忽然落起傾盤大雨，幸好黑色七人車及時駛至，張敏即衝上車，未幾同行男女都衝埋上車喇。
久未露面嘅張敏，艷光不減，不過似是比之前瘦咗好多，而且不時用衣領掩面，見其腮位好似有一粒粒黑色嘢，未知是否因此張敏先至頻頻拉高衣領遮掩。
| 採訪、攝影：梁繼光 |  2012年，張敏在北京偕未婚夫劉永輝外出，她坦言二人共同生活了幾年，結婚亦是時候。 |  張敏今日現身時代廣場，密密翻衣領遮掩下巴黑點。 |
 |  同行友人 |  |
 |  張敏真係瘦咗好多！ |  |
|
鍾意就快D Share啦！
|
|
|
