掃呢頁CODE去手機

2015年10月24日 星期六

欣宜胸降北京 撼贏周秀娜 周秀娜,欣宜,

周秀娜着得密實,即時輸晒!

欣宜胸降北京 撼贏周秀娜

【蔡志豪北京直擊】張智霖(Chilam)與佘詩曼(阿佘)昨日到北京宣傳新片,Chilam在片中周旋於阿佘及陳喬恩之間大呼爽到不得了!同場的「女神」周秀娜,由於密實現身,被超低V示人的鄭欣宜「胸」湧搶盡鏡頭!

張智霖(Chilam)、佘詩曼、周秀娜、鄭欣宜、雨僑、唐貝詩、王宗堯、張建聲、杜德偉及娛樂公司老闆蕭定一,昨日到北京出席「重逢.相遇 電影《十月初五的月光》媒體發布會」,蕭定一與內地愛奇藝影業總裁李岩松宣布,將合作拍片及發行衍生產品,獲旗下藝人晒冷撐場。蕭定一表示一直想搵內地合作夥伴:「之前同唔同公司合作,每次都要從頭了解工序,好攰,直到愛奇藝出現,佢好啱我哋要求,係可以長期合作嘅夥伴。」

重播反應好添信心

「君好」阿佘及「初哥哥」Chilam大讚新片感人,他倆不約而同表示看完劇本被故事所感動才決定接拍,阿佘說:「加上最近劇集重播,收視反應都好好,我對電影票房都有信心。」而台灣女星陳喬恩加入,阿佘更大讚「非常之好」。Chilam談及周旋於阿佘及陳喬恩之間,直呼:「真係爽到不得了!陳喬恩係好對手,演出有感染力!」

鄭欣宜微微彎腰,已令人窒息。
  • 鄭欣宜微微彎腰,已令人窒息。
佘詩曼、張智霖默契十足,欣宜搶鏡,周秀娜嘴扁扁。
  • 佘詩曼、張智霖默契十足,欣宜搶鏡,周秀娜嘴扁扁。
周秀娜感受到欣宜的「壓迫感」。
  • 周秀娜感受到欣宜的「壓迫感」。

性感上陣的欣宜以超低V示人,噴血度十足,全場最性感,Chilam搞笑謂:「佢入行比我更加早啦,我自細就睇佢表演,我同佢媽咪係好朋友,所以我對欣宜一直都好有親切感!」欣宜否認性感搶鏡:「好性感咩?開胸低少少啫!(知周秀娜同場,刻意性感?)冇諗喎!但我出場前做好多工夫,唔敢大動作,上到台被人眼望望,有少少奇怪。」

右起:唐貝詩、雨僑另類方法搶鏡。
  • 右起:唐貝詩、雨僑另類方法搶鏡。
蕭定一(後左五)率領眾星在北京晒冷造勢。
  • 蕭定一(後左五)率領眾星在北京晒冷造勢。

京港兩地忙於睇樓

周秀娜密實上陣明顯輸晒,她卻否認輸給欣宜:「我見到佢都嘩一聲!咁人人唔同,冇得比較。」未來她會北京、香港兩邊走,正在北京搵租盤,雖然在香港亦有睇樓,夢想是一千呎,希望下年與媽咪一起住。已進身富婆的周秀娜,卻否認身家逾億:「你講細胞咋?太抬舉,我唔係!」

鍾意就快D Share啦!