今次創作部大地震，唔少劇集創作當然受到影響，日前有報道話鄭則仕同回巢嘅苑瓊丹子孭飛嘅新劇被叫停，但本報收到風，鄭則仕部劇會照開，但鄭俊弘擔正做男主角嘅新劇《TV Buddy》就胎死腹中。
據了解，呢部由關永忠監製嘅新劇，原本下個月中開拍，雖然鄭俊弘係依家無綫重臣杜之克——嘅戰友余詠珊嘅愛將，但杜之克上場之後一樣冇面俾，佢睇過劇本之後，覺得無論卡士同劇本都唔掂，與其拍咗播出街俾人插，不如索性唔拍，所以落柯打叫停，令到鄭俊弘男主角夢醉。
向鄭俊弘求證，佢「啊！」咗一聲，然後話:「我都唔清楚呀呢啲！我都唔方便接受你哋訪問呀，唔好意思！」至於朱鏡祺今日承認返咗TVB，但其他嘢佢就話唔方便多講喇。
鄭俊弘新劇叫停，佢原來部劇hold咗個廠期，亦惟有丟空，對數十年嚟廠期咁緊密嘅大台嚟講，真係史無前例。不過，據聞杜之克叫監製林志華提早開郭晉安同萬綺雯主演嘅新劇，盡量接番之前丟空個廠，希望廠期唔好嘥咁多。
| (資料圖片) |  杜之克上場之後，一樣唔畀面余詠珊愛將鄭俊弘。(資料圖片) |  (資料圖片) |
 鄭則仕同回巢嘅苑瓊丹子孭飛嘅新劇照開。(資料圖片) |  向鄭俊弘求證，佢「啊！」咗一聲。(資料圖片) |  (資料圖片) |
|
鍾意就快D Share啦！
|
|
|
