林雅詩噴血寫真贈老公「睇佢有乜反應」
林雅詩（Grace）再戰娛圈寫真昨午正式面世，書中有泳衣、Wonder Woman、美國隊長等性感造型，但未有如大家揣測般激盪出擊，谷胸已是極限。寫真集昨日在筲箕灣一食店舉行發佈會，Grace老公溫文英未有現身撐場，反而全程由一位頭戴鴨嘴帽的男子為她打點一切，並由幾位大漢護航下現身，鴨嘴帽男自稱為Taddy，Grace解釋：「朋友幫手啫，呢段時間任何男士喺我身邊都會俾人懷疑，不過我哋都只係做嘢，佢亦係呢行經理人。」
雖然老公未有撐場，但穿上露肩連身裙的Grace，仍獲圈中一眾好友張文慈、仙樂都、許嘉浩（Karl）、鄭伊娜、柯嘉琪（Kiko）等現身支持，Grace透露寫真集首批推出三千本，過幾日會正式在各大書報攤售賣，寫真集每本售價128元，Grace坦言：「對銷量信心一半半，打算主攻內地巿場，已收到內地定單要一百本，香港嘅朋友就自己去買啦，我心情都有啲緊張，始終放低咗十年再出嚟，唔知人哋會點睇。」
■林雅詩為推出寫真集近月與老公溫文英（小圖）爆冷戰。
■俯身騷胸是拍寫真常見的甫士，對林雅詩而言沒有難度。
■林雅詩谷胸之餘，拉低褲褪至露股邊緣。
■林雅詩的寫真集昨日面世，獲一眾好友支持。
■鴨嘴帽男Taddy全程贒實林雅詩，必定在他視線範圍內。
老公有質疑
老公沒有現身支持復出第一擊，Grace不會失望，反而會贈送寫真給老公，她說：「有講佢聽今日開發佈會，但見唔到佢，會畀本佢睇，佢之前唔知係點，以為好大膽露點，有質疑過我。」寫真正式推出分分鐘成為婚姻破裂導火線？Grace說：「係㗎，睇佢睇完有乜嘢反應，自己去到幾盡自己知，係佢唔信之嘛，睇完先，本來想叫佢自己買，但我知佢唔會。」
採訪：卓寶花
攝影：陳志嵐
|
鍾意就快D Share啦！
|
|
|
