46歲鄭嘉穎同24歲陳凱琳(Grace)拍拖，唔知係唔係女朋友仔細佢成截，令鄭嘉穎心境都後生咗廿年，搵番「初戀」嘅feel!?
鄭嘉穎同Grace噚晚去咗海洋公園玩，鄭嘉穎同Grace仲夾埋着純黑色T恤，大晒情侶look!睇嚟鄭嘉穎同Grace玩得好盡興，玩到閂門先捨得離開。
直至11點左右，鄭嘉穎、Grace同6至7個友人行出嚟，原來Grace胞弟亦有同行，離開大門時，鄭嘉穎見人多，刻意同Grace隔幾個身位行，直至行到停車場後，一班人分開坐上兩部車，當中陳凱琳就坐上鄭嘉穎嘅車，喺Grace上車嗰陣，鄭嘉穎即掃一掃Grace塊面，又輕撫Grace嘅背脊，叫女友上車，之後鄭嘉穎幫佢閂車門，Grace心情大靚，成程笑笑口。
佢哋揸車去咗天后甜姨姨甜品店食糖水，一班人坐喺樓上靠窗位置，不過，鄭嘉穎怕被人認到，成程拗住條腰坐，等窗外嘅人見唔到佢，唔知係唔係見同行友人比較後生，估計係Grace嘅朋友，鄭嘉穎搭唔到嘴，無聊去咗樓下，連煲兩支煙，企喺樓下傾電話。
食咗兩個鐘先走，鄭嘉穎同Grace先送友人上的士及另一架私家車，鄭嘉穎同Grace本來喺人多嘅時候，佢哋都好小心，鄭嘉穎不時周圍望，見凌晨兩點幾，終於放下戒心，鄭嘉穎同Grace就拖手去攞車，鄭嘉穎仲幫Grace開車門，盡顯風度，一齊返回鄭嘉穎屋企，等咗一陣，亦唔見Grace離開，應該喺嘉穎屋企過夜。
鄭嘉穎接受訪問時，就話喇﹕「我由中學到依家都好耐冇去呢啲地方玩，我喺海洋公園廣告見到羅蘭姐，就好有興趣去睇吓。呢排放假，所以咪盡情玩吓囉，同女友等一班人一齊去，可惜見唔到羅蘭姐，但睇鬼屋都好新奇、好開心、幾得意丫。」
| (攝影：梁繼光、徐錦池) |  晚上11點，鄭嘉穎刻意同Grace隔幾個身位，Grace胞弟亦有同行。 |  直至行到停車場後，鄭嘉穎即掃一掃Grace塊面。 |
 又輕撫Grace嘅背脊。 |  Grace同胞弟一齊行入天后間糖水店! |  鄭嘉穎怕被人認到，成程拗住條腰坐。 |
 鄭嘉穎搭唔到咀，無聊樓下樓煲煙。 |  鄭嘉穎凌晨兩點幾終於放下戒心。 |  拖手去攞車… |
 又盡顯風度… |  |  一齊返回鄭嘉穎屋企! |
|
鍾意就快D Share啦！
|
|
|
