2015年11月26日 星期四

應采兒藐爆趙碩之 [壹週刊 - 1342] __,碩之,應采兒,趙碩之,M1,

劇中演員大部分都是應采兒親自選角,唯獨趙碩之的護士角色是劇組在開鏡前臨急搵入組,知名度同一班名氣串星差一截。 探熱針 應采兒藐爆趙碩之 有老細向華強撐,應采兒為正播出的 Letv網劇《天才在左 瘋子在右》落場做監製,首次打晒骰的她 ...


劇中演員大部分都是應采兒親自選角,唯獨趙碩之的護士角色是劇組在開鏡前臨急搵入組,知名度同一班名氣串星差一截。

探熱針

應采兒藐爆趙碩之

有老細向華強撐,應采兒為正播出的 Letv網劇《天才在左 瘋子在右》落場做監製,首次打晒骰的她勁打人情牌,老公陳小春唔收錢義演外,好友鄧麗欣、方力申、柯有倫、張建聲、關智斌、鍾麗緹等紛紛以友情價瞓身支持。

唯獨開拍前突然插入的趙碩之,戲份唔多但竟然要劇組就期配合,搞到應采兒㷫爆!

扮晒大牌

首次埋位做監製,又要分身落場演出的應采兒大為緊張,全權挑選演員陣容,連每日拍攝期表,都親自過目審批。

據知,《天才在左 瘋子在右》開拍前,尚欠一個護士角色未定到人選,無心水的應采兒見角色只係大茄,於是下放給劇組安排,料不到劇組竟然找來名氣同其他串星差一大截的趙碩之。

「全部演員無論多戲少戲,都係丁丁(應采兒)自己揀,佢見個角色行行企企,加上開劇之前仲有其他事要忙,咪諗住將件小事交俾劇組囉!點知竟然搵咗 Wylie(趙碩之),激到佢生蝦咁跳!班數差太遠都算,最煩係 Wylie要劇組就晒佢啲期,當正自己係主角咁!丁丁仲話 Wylie恃住跟過秋生學戲,以為自己好勁,態度好囂!」一名劇組人員透露。

鍾麗緹幫手做廉價勞工,可見應采兒人緣相當唔錯。

每次宣傳活動,只係大茄的趙碩之總是攝在中間,保證次次有得見報,飛佢唔走。

加自己人

眼裡容不下一粒沙的應采兒,在現場見到趙碩之出錯,都要副導做傳聲筒,連同對方對話都不情願。

但趙碩之竟妙想天開,引薦同門師弟黃竣鋒(前亞洲先生,原名黃集鋒)入組,之後劇集做宣傳活動,她又多次做攝石人,插正中間影大合照,令到本來已經睇她唔順眼的應采兒更火上加油!

「 Wylie都幾唔知『定』,成日周圍撩同劇嘅演員好似 Stephy小方傾偈影相,跟住又放晒上網,有記者探班或者做宣傳活動,佢一定搵到位搶風頭,唔知嘅真係會以為佢擔正做女主角!」劇組人員說。

應采兒唔 like,趙碩之都話之你,明搏插!

為省靚招牌,連老公陳小春亦接旨免費埋位,扮妄想症病人。

為了應采兒, Stephy獻出處女光頭。

趙碩之去年跟黃秋生學戲,成為影帝門生,即時囂晒。

應采兒為首次做監製勁打人情章,前輩秦沛、好友方力申都有撐場。

撰文、攝影、攝錄:娛樂組

鍾意就快D Share啦!
Related Posts Plugin for WordPress, Blogger...