全城熱爆的娛樂八封新聞 & 時事趣聞 & 生活 + 趣聞
光棍節帶埋 14歲大女沈月去飲古巨基餐喜酒，搞到讚嘆聲不絕嘅邱淑貞，早個禮拜同老公行孖咇，帶埋次女沈日去圓方 ThreeSixty上糧。
喺超市巡咗成個鐘，邱淑貞負責生果、日用品，囡囡就跟沈嘉偉買零食即食麵之類，大女似媽咪，十一歲嘅沈日就幾乎影印老豆，可能因為太似，所以亦特別黐老豆。是夜沈家唔煮飯，邱淑貞喺熟食部 order外賣， burger、 pizza、 spaghetti執齊。搞掂走得，已經七點，啱啱好，返屋企開餐。
今晚屋企唔煮飯，邱淑貞點完餐，等外賣期間手機當鏡補唇膏。
買完要經商場行去上車，超市職員將兩公婆買嘅嘢放入大行李喼，幫手拖出去上落客區。
跟媽咪去飲古巨基喜酒嘅大女沈月，十四歲高踭鞋晒腳，個個讚好得。
分頭行事，沈嘉偉陪囡囡揀即食麵，靚媽就睇生果。
十一歲嘅沈日似足老豆，亦勁黐老豆。
撰文：八珍
