2015年11月26日 星期四

洗米華瞓身支持  Mandy一月驚喜復出 [壹週刊 - 1342] __,洗米華,Mandy Lieu,Mandy,周焯華,M1,

探熱針 洗米華瞓身支持  Mandy一月驚喜復出 Mandy Lieu介入澳門賭業猛人周焯華(洗米華)的婚姻後,因為忙於以陪住男友周圍飛為己任,絕跡公開活動。近日好友李月預告 Mandy聖誕節會帶埋 B女回歸香港,並落實明年一月與公司旗下韓國新女出席美容活動,作為復出頭炮,當事人更講明有驚喜。有指周焯華為支持二廠,出錢 ...


探熱針

洗米華瞓身支持  Mandy一月驚喜復出

Mandy Lieu介入澳門賭業猛人周焯華(洗米華)的婚姻後,因為忙於以陪住男友周圍飛為己任,絕跡公開活動。

近日好友李月預告 Mandy聖誕節會帶埋 B女回歸香港,並落實明年一月與公司旗下韓國新女出席美容活動,作為復出頭炮,當事人更講明有驚喜。有指周焯華為支持二廠,出錢出力,任用!

宣示地位

成為周焯華二廠後,過去一年, Mandy Lieu絕跡公開活動。今年五月誕下洗米女,就算光速修身,依然留守英國湊 B。但據悉,事業心重的她其實早於數月前開始部署復出,為迎接 Mandy Lieu回歸,近日周焯華更加碼,讓她旗下的 model公司簽下曾拍韓劇《 Oh My Lady》的韓國小姐鄭妍之,省靚公司招牌。

據了解,明年一月, Mandy Lieu會以老闆娘身份,孖住旗下新女鄭妍之,現身代言的「 THE ONE」壹美健醫療美容首個宣傳活動,順理成章作為復出頭炮。推介公司新將只是點綴,主菜是離開基地一年多的 Mandy Lieu,藉品牌「 THE ONE」宣示地位,非常霸氣!

Mandy力捧的韓妹鄭妍之,上週為醫學美容「 THE ONE」拍代言照, fit爆身材浸奶浴,同老闆一樣搏到盡。

Mandy出山,孖住新簽的韓妹鄭妍之現身醫學美容活動。有老闆 Mandy復出光環照住,韓妹呢次執到。

復出價五十萬

本月初,周焯華被「隊」爆同貌似謝安琪的新歡 Meko坐私人飛機去首爾後, Mandy Lieu打爛醋埕,為氹番二廠,周焯華未做完嘢,都要撲飛英國「救火」;今次為 Mandy回歸,周旋於正印與二廠之間的周焯華更加不敢怠慢,不單出錢,還出力全面配合。

「其實之前有幾間公司搵 Mandy復出,最後佢揀咗韓妹代言嗰間,收五十萬復出價,錢其次,因為佢覺得品牌個名好啱佢,覺得自己係華哥(洗米華)嘅 The One(唯一)。華哥俾錢佢開咗間 model公司冇耐, Mandy就有咗,所以好多 project都 hold住晒,而家生完女, Mandy會慢慢睇番住佢打骰嘅 model公司,有華哥條水喉撐住,大把嘢搞。」知情者說。

近年帶住 Mandy四處飛的洗米華,開綠燈讓女友復出。

Mandy同洗米華唯一同場現身的公開活動,是去年二月太陽城搞的珠寶展,當時二人仍未撻着。

今年初,懷孕的 Mandy曾秘密返港處理 model公司的業務。

預告有驚喜

對於 Mandy Lieu現身醫學美容活動作為復出頭炮,品牌負責人馮小姐承認此事。

「我哋同 Mandy合作咗好多年,佢當日開 model公司,我哋都好 support佢。當我哋想搵韓國 model,佢俾咗好好人選我哋。嚟緊推出呢個品牌,我哋有同 Mandy傾過,大家都覺得一月係好好時機,因為佢會全面復出。頭炮傾緊點合作, Mandy話會全力配合。」

問到有傳周焯華會現身 Mandy的復出活動,馮小姐說:「一月個 event, Mandy話會有 surprise。」

配合老闆娘 Mandy Lieu出山,韓國小姐鄭妍之上週為代言的品牌拍宣傳照,半裸上陣浸奶浴,性感爆燈,表現拼搏。

對於有老闆娘復出傍住造勢,鄭妍之說:「 Yes, I want to see her. I want to meet her.」

今年五月, Mandy同正印 Heidi分別為洗米華誕下女兒。唔想顧此失彼,分身有術的洗米華不停穿梭於兩女之間。

原本只有正印與二廠之爭,豈料月初殺出小四 Meko自晒同洗米華坐私人飛機,男方感情生活夠精彩。

新女有銜頭

被 Mandy Lieu睇中的韓國新女鄭妍之,在韓國發展時叫鄭睿智,一○年曾客串崔始源做主角的韓劇《 Oh My Lady》,一二年參選韓國小姐獲最受歡迎及地區「仁川」美獎,同年再拍劇《 But, still you》,並擔任節目主持,訪問過《 Running Man》成員。現年廿七歲的她,今年轉戰香港發展。

洗米華全力以赴

周焯華照顧女人一向全力以赴,錫住正印陳慧玲,對女友 Mandy Lieu亦全面侍候,無論工作或旅遊,均有五星級服務,做到最好。

開戲力捧

去年有傳得周焯華背後科水給 Mandy Lieu開 model公司,又投資電影《盜馬記》,令她在片中的戲份多到幾乎多過女主角陳慧琳。

蜜遊澀谷

今年 4月 Mandy Lieu臨盆在即,照陪飛東京澀谷,二人更在商場吃雪糕,儼如小情侶。

湊女出院

同年 5月,周焯華飛倫敦陪 Mandy生 B,又親自接母女出院,做到足。

四個月遊五國

生完 B女後, Mandy Lieu留在倫敦暫住,其間二人多次被發現把臂同遊,四個月內,去勻新加坡、首爾、巴塞隆拿、大馬再返倫敦探 B女。

撰文、攝影、攝錄:娛樂組

鍾意就快D Share啦!