2015年11月24日 星期二

祥嫂鬧爆:係咪謀我死呀? :),

祥嫂昨日氣憤聲言兆尊和小艾等曾要她簽一些文件,令她感到很驚。
ODN.ad.write('text2', '00281'); 祥嫂鬧爆:係咪謀我死呀? 祥嫂(洪金梅)過往曾與鄧兆尊及鄧翠玉(小艾)等仔女發生轟動全港的爭產事件,近日眾人再鬧不和!昨日祥嫂出席活動時表示去年仔女曾求見,逼她簽文件,她激動地說:「做乜要分?係咪謀我死呀?」兆尊對阿媽激動言論則回應:「叫佢咪食咁多唔應該食嘅嘢!」似 ...


祥嫂鬧爆:係咪謀我死呀?

祥嫂(洪金梅)過往曾與鄧兆尊及鄧翠玉(小艾)等仔女發生轟動全港的爭產事件,近日眾人再鬧不和!昨日祥嫂出席活動時表示去年仔女曾求見,逼她簽文件,她激動地說:「做乜要分?係咪謀我死呀?」兆尊對阿媽激動言論則回應:「叫佢咪食咁多唔應該食嘅嘢!」似有所指,祥嫂聞言很大反應:「叫佢講清楚啲!呢句話好多意思喎!」似乎另一場爭產風波又再現暗湧。

已故慈善伶王新馬師曾(鄧永祥)遺孀洪金梅(祥嫂),與四子女於1997年新馬師曾病逝後不久便爆出爭產事件,祥嫂與仔女當年水火不容,鬧得滿城風雨,直至2006年才慢慢和好如初,怎料最近祥嫂再與子女鬧不和,彼此關係極之惡劣,豪門恩怨再度爆發並掀起序幕!

「金錢係萬惡」

昨日祥嫂到錦田出席活動時怒轟仔女,她更指仔女之前曾求見,但都被她拒諸門外,被問是否有人想分家產?祥嫂說:「做乜要分?我都未死!係咪謀我死呀?(仔女想你分?)唔好騷擾我呀!舊年過年前14日,除咗兆榮冇份外,3個仔女嚟到我大宅等我,要我簽文件,係啲授權書,仲抽出嚟要我簽,我驚呀!係咪想標我尾會?起我尾注?害過我喎,我要防呀!(親生仔不如近身錢?)前人係咁講,我要今晚返去諗吓再答你,金錢係萬惡!我已經好少出嚟見大家,就係怕你哋係又問,唔係又問,我嘅瘡疤已經好番,你哋又揭起啲焦!」

起初祥嫂心情甚好,在神功戲戲棚前與粵劇伶人陳咏儀(左)和衛駿輝合照。
  • 起初祥嫂心情甚好,在神功戲戲棚前與粵劇伶人陳咏儀(左)和衛駿輝合照。
年前小艾(左)、兆尊與母親祥嫂關係好轉,怎料最近又鬧出風波。
  • 年前小艾(左)、兆尊與母親祥嫂關係好轉,怎料最近又鬧出風波。
洪金梅昨日睇神功戲散心,怎料突爆子女大鑊。
  • 洪金梅昨日睇神功戲散心,怎料突爆子女大鑊。
祥嫂與眾子女於新馬師曾病逝後爆出爭產風波。
  • 祥嫂與眾子女於新馬師曾病逝後爆出爭產風波。

「冇事就話我勾佬」

祥嫂更公開挑戰仔女,她說:「仔女?我有生過咩?去年至今冇見佢哋,我都忍辱負重咁耐,唔講就係唔想糟蹋鄧永祥嘅名聲,忍辱18年,忍到我滿身病痛,佢哋想點呀?係咪虐老呀?我係你老母呀!我唔係怕邊個,更加唔會怕我所出嘅,夠膽就出嚟,我公開挑戰佢!(有指鄧小艾曾對外宣稱對你服侍周到?)服侍我乜嘢呀?我行得企得,唔好有事鍾無艷,冇事就話我勾佬,令我好勞氣!」

「我喺鄧家有功有勞」

祥嫂感慨表示:「1995年,我同先夫出席過呢個活動,今日我孤身到嚟,至愛嘅先夫不在,仔女冇出現,好唏噓!(你冇通知鄧兆尊出席?)冇必要咁做,我係長輩!(始終切肉不離皮?)在我嚟講係!(仔女點睇?)我唔可以代答。(為家產問題有意見?)講真,做戲佬又爛賭,搵得來輸得去,有幾多?我講出嚟都怕人笑!(實際有幾多家產?)點知?係1967年暴動嘅時買落啲物業同地係有增值,但唔變賣嘅,點知幾多?總之我名、利、健康,三有!先夫有我呢個老婆先有,乜嘢叫興家旺業?乜嘢叫賢內助?我喺鄧家都叫有功有勞!」

至於事後兆尊對祥嫂一番言論回應:「叫佢唔好食咁多唔應該食嘅嘢!」祥嫂昨晚在電話中說:「吓?呢句說話好多意思喎!啲紅衞兵又有軍師?你去問清楚佢,叫佢講說話清楚啲!」

文:影視組

鍾意就快D Share啦!
Related Posts Plugin for WordPress, Blogger...