2015年11月24日 星期二

陳淨心舉報盧凱彤曾佔中 黃秋生怒插:佢係茄哩啡,唔使理佢 __,佔中,黃秋生,秋生,盧凱彤,

2015南方草莓音樂節將於本周六喺東莞麻涌舉行,「台獨剋星」藝人黃安近日狙擊盧廣仲,向內地舉報盧廣仲是台獨分子,令佢臨時被飛,「愛港行動」召集人陳淨心又嚟有樣學樣,佢今日喺微博貼出盧凱彤早前綁上黃絲帶演出嘅照片,質問「去年力挺占(佔)中的香港女歌手,為甚麼會被邀請出席2015南方草莓音樂節? 」淨心BB似乎想舉報喎!去年佔中事件,當日因為發表言論反對警方濫用暴力,被指撐佔中而成為內地封殺對象嘅黃秋 ...


2015南方草莓音樂節將於本周六喺東莞麻涌舉行,「台獨剋星」藝人黃安近日狙擊盧廣仲,向內地舉報盧廣仲是台獨分子,令佢臨時被飛,「愛港行動」召集人陳淨心又嚟有樣學樣,佢今日喺微博貼出盧凱彤早前綁上黃絲帶演出嘅照片,質問「去年力挺占(佔)中的香港女歌手,為甚麼會被邀請出席2015南方草莓音樂節? 」淨心BB似乎想舉報喎!

去年佔中事件,當日因為發表言論反對警方濫用暴力,被指撐佔中而成為內地封殺對象嘅黃秋生,搞到成年冇戲拍,秋生仍然好有「吉士」,《蘋果》今日打去問秋生點睇淨心BB喺微博po盧凱彤相兼留言,秋生反問:「咁有乜嘢影響?之前就之前,o依家就o依家,o依家係咪求其喺街指一個人話佢謀殺,佢就要拉去打靶?問題係呢條友(陳淨心)係茄哩啡,成日回應佢咪抬舉佢。呢啲政治幫閒,唔使理佢,佢咁做係咪話人哋內地文化部做得唔好,暗示內地政府部門做唔好,要佢幫手先得。人哋叫邊個邊個,你估人哋唔知咩,要佢話。」

陳淨心無啦啦在微博話Ellen曾參與佔中 Ellen突然間俾陳淨心盯上 (資料圖片) 呢張經典圖又要出動 (資料圖片)
秋生身受其害,自然肉緊 (資料圖片)
鍾意就快D Share啦!