2015年11月24日 星期二

【罵戰升級】祥嫂怒轟三子女 鄧兆尊反擊 :),鄧兆尊,兆尊,

最近祥嫂再與子女鬧不和。 next 1/1 pre 祥嫂指仔女之前曾求見,但都被她拒諸門外。 next 1/1 pre 祥嫂仲話三個仔女要佢簽文件。 next 1/1 pre 祥嫂力斥鄧小艾(左)有事鍾無艷,冇事就話佢勾佬。 next 1/1 pre 祥嫂與仔女嘅關係一度 ...


最近祥嫂再與子女鬧不和。

next 1/1 pre

祥嫂指仔女之前曾求見,但都被她拒諸門外。

next 1/1 pre

祥嫂仲話三個仔女要佢簽文件。

next 1/1 pre

祥嫂力斥鄧小艾(左)有事鍾無艷,冇事就話佢勾佬。

next 1/1 pre

祥嫂與仔女嘅關係一度修好。

next 1/1 pre

鄧碧玉

next 1/1 pre

鄧兆尊被問起此事就回應:「叫佢唔好食咁多唔應該食嘅嘢!」

next 1/1 pre

祥嫂則回應:「叫佢講說話清楚啲!」

next 1/1 pre

已故慈善伶王新馬師曾(鄧永祥)遺孀洪金梅(祥嫂),與四子女於1997年新馬師曾病逝後不久便爆出爭產事件,祥嫂與仔女當年水火不容,鬧得滿城風雨,直至2006年才慢慢和好如初,怎料最近祥嫂再與子女鬧不和,彼此關係極之惡劣,豪門恩怨再度爆發並掀起序幕!

「仔女?我有生過咩?」

昨日祥嫂到錦田出席活動時怒轟仔女,她指仔女之前曾求見,但都被她拒諸門外,被問是否有人想分家產?祥嫂說:「做乜要分?我都未死!係咪謀我死呀?(仔女想你分?)唔好騷擾我呀!舊年過年前14日,除咗兆榮冇份外,3個仔女嚟到我大宅等我,要我簽文件,係啲授權書,仲抽出嚟要我簽,我驚呀!係咪想標我尾會?起我尾注?害過我喎,我要防呀!(親生仔不如近身錢?)前人係咁講,我要今晚返去諗吓再答你,金錢係萬惡!我已經好少出嚟見大家,就係怕你哋係又問,唔係又問,我嘅瘡疤已經好番,你哋又揭起啲焦!」

「冇事就話我勾佬」

祥嫂更公開挑戰仔女,她說:「仔女?我有生過咩?去年至今冇見佢哋,我都忍辱負重咁耐,唔講就係唔想糟蹋鄧永祥嘅名聲,忍辱18年,忍到我滿身病痛,佢哋想點呀?係咪虐老呀?我係你老母呀!我唔係怕邊個,更加唔會怕我所出嘅,夠膽就出嚟,我公開挑戰佢!(有指鄧小艾曾對外宣稱對你服侍周到?)服侍我乜嘢呀?我行得企得,唔好有事鍾無艷,冇事就話我勾佬,令我好勞氣!」

「我喺鄧家有功有勞」

祥嫂感慨表示:「1995年,我同先夫出席過呢個活動,今日我孤身到嚟,至愛嘅先夫不在,仔女冇出現,好唏噓!(你冇通知鄧兆尊出席?)冇必要咁做,我係長輩!(始終切肉不離皮?)在我嚟講係!(仔女點睇?)我唔可以代答。(為家產問題有意見?)講真,做戲佬又爛賭,搵得來輸得去,有幾多?我講出嚟都怕人笑!(實際有幾多家產?)點知,喺1967年暴動買落啲物業同地係有增值,但唔變賣嘅,點知幾多!總之我名、利、健康,三有!先夫有我呢個老婆先有,乜嘢叫興家旺業?乜嘢叫賢內助?我喺鄧家都叫有功有勞!」

事後兆尊被問起此事時回應:「叫佢唔好食咁多唔應該食嘅嘢!」祥嫂昨晚則在電話中說:「吓?呢句說話好多意思喎!啲紅衞兵又有軍師?你去問清楚佢,叫佢講說話清楚啲!」

鍾意就快D Share啦!
Related Posts Plugin for WordPress, Blogger...