掃呢頁CODE去手機

2015年12月16日 星期三

熱血嶺大排球女將 拍拖都要講打波 [FACE - 447 - 大專校園] __,MF,

Sum中文全名個斈字比較少見,讀音係「學」,佢話:「其實好多人將我個名睇錯做余孝心,即刻變到勁『娘』!」U花U草熱血嶺大排球女將 拍拖都要講打波後生仔成日話最想識到個識做運動嘅女朋友,現讀嶺大體適能訓練及運動管理Yr.1嘅余斈心Sum由小三已經愛上打排球,一打就打咗10年,佢男友亦係打排球好鬼襯。余斈心 Sum(19歲)嶺大體適能訓練及運動管理Yr.1fb:SumYuig:yhsummmm除咗話題 ...


Sum中文全名個斈字比較少見,讀音係「學」,佢話:「其實好多人將我個名睇錯做余孝心,即刻變到勁『娘』!」

U花 U草

熱血嶺大排球女將 拍拖都要講打波

後生仔成日話最想識到個識做運動嘅女朋友,現讀嶺大體適能訓練及運動管理 Yr.1嘅余斈心 Sum由小三已經愛上打排球,一打就打咗 10年,佢男友亦係打排球好鬼襯。

余斈心  Sum( 19歲)

嶺大體適能訓練及運動管理 Yr.1

fb: Sum Yu

ig: yhsummmm

除咗話題係排球, Sum話平時拍拖嘅活動大多都係互相陪對方練波同約出嚟跑步做 gym操 fit。

拍拖有共同興趣有共同話題,總好過男有男打機,女有女行街濕平:「係㗎,我哋出街拍拖好多時都講排球,唔使驚 dead air,有時諗住行吓街睇吓嘢,點知都係忍唔住講排球,結果行咗成個鐘先發現掛住傾,冇行過一間鋪頭!最搞笑有次試過比完賽等搭巴士返屋企,同男友傾到架巴士『嚓』一聲關門開走先記得我哋要上車,最尾送到我返屋企樓下,大家都仲講緊場波!」

聽落 Sum呢對情侶真係羨慕死人,但有時 Sum會覺得男友要求高:「喺打波方面要求高,咁佢打緊香港高水平嘅聯賽(甲二)梗係勁啦,不過我係女仔,邊有得同男仔比。但我知佢為我着想,自己都好想打勁啲,有男友督促住都好,所以我哋打波就算意見不合都只會默默咁聽對方講,唔會鬧交!」

Sum(前排右一)唔只睇得,仲好打得,好多 Yr.1入隊坐冷板凳時,佢已經係嶺大排球隊嘅正選二傳手。

同男友有共同興趣之餘, Sum得閒仲會陪男友去網吧打機。睇嚟遲啲要出番篇《識揀一定揀識打波、打機又靚女嘅女朋友》潮文,一次過滿足晒 3個願望!

撰文:彭家駿

攝影:范仲良

形象及化妝: Kika Wong


鍾意就快D Share啦!