半百葉子楣復出？Are u kidding me？今日有周刊報道真係咁講，係咪好期待呢……邊個係葉子楣？Are u kidding me？「波霸」都唔識？唔係波霸奶茶喎！
其實又好難怪大家唔識佢，90後嘅尤甚，因為楣姨對上一部作品，已經係94年嘅電影《地下裁決》。轉眼葉子楣已經49歲，H Cup身材仍然冠絕娛圈，G奶都要行埋一邊，但葉子楣為了愛情洗盡鉛華，息影多年做脊醫男友呂鍚照背後女人。一做就23年。不過，原來葉子楣同男友，一直都只係男女朋友關係，冇結婚，兩人愛巢嘅物業蔚豪苑都係葉子楣事業高峰時購入。兩人冇聯名物業，但呂錫照同前妻所生兒子就有呂錫照二千萬單位同名車。
女人愛情至上，可以唔在乎一紙婚書，亦唔在乎有冇物業揸手——Fine，但23年過去，兩人又冇子女，依家，有傳兩人感情生變，情轉淡——報道指葉子楣最近心思思復出，仲積極減肥，體重保持90磅左右，胸前依舊偉大——嗱，努力keep fit跑步日做千下sit up可能只係呼應依家個健康trend，不過葉子楣確係少咗同男友一齊，出街通常都係得葉子楣一個。報道又話，三個禮拜以來，兩人只係試過一次出去食飯，其餘時間都係自由活動。
葉子楣接受周刊訪問時都認，以前確係諗過、有衝動想結婚，但最後都係冇結。依家？葉子楣就話:都咁耐，唔需要啦。」
對咗23年，愛情變成感情，可以昇華至如親人關係，也可以漸漸成為「同屋住」變陌路人。葉子楣呢，佢都話:「耐咗，係有啲悶，但大家各有自己空間，會舒服啲。」至於錢銀嘅嘢，唔使同佢擔心:「開聯名戶口我唔會，女人要獨立，但一齊佢都要養我0架!」咁復出呢？葉子楣話唔會封自己後路，因為將來嘅嘢冇人知，但如果係復出，就一定要做主角，串星no way。不過佢都好謙，話:「依家咁多0靚模，我點鬥呀？」但依家啲0靚模，邊有楣姨咁真材實料同有腦先？
|
鍾意就快D Share啦！
|
|
|
