掃呢頁CODE去手機

2015年12月16日 星期三

好火 踩莊思敏幫老友翻生 王宗堯《導火》導演上身 [FACE - 447] __,王宗堯,莊思敏,MF,

王宗堯同姜文杰份屬好兄弟,所以新戲《導火新聞線》梗係唔少得佢啦!未埋位前,姜文杰仲特登到場探班,好老友㗎!真面目好火 踩莊思敏幫老友翻生 王宗堯《導火》導演上身港視另一套神劇《導火新聞線》開拍電影版,繼續由舊有演員及製作班底孭飛,但未開機已發生王宗堯同莊思敏對罵事件,女方仲公開雙方對話訊息內容,直插王宗堯唔識尊重人。據知原來王宗堯為《導》片仲推晒所有工作專注新戲,由度劇本到角色安排都參與度極高,又 ...


王宗堯同姜文杰份屬好兄弟,所以新戲《導火新聞線》梗係唔少得佢未埋位前,姜文杰仲特登到場探班,好老友㗎!真面目好火 踩莊思敏幫老友翻生 王宗堯《導火》導演上身港視另一套神劇《導火新聞線》開拍電影版,繼續由舊有演員及製作班底孭飛,但未開機已發生王宗堯同莊思敏對罵事件,女方仲公開雙方對話訊息內容,直插王宗堯唔識尊重人。據知原來王宗堯為《導》片仲推晒所有工作專注新戲,由度劇本到角色安排都參與度極高,又 ...


王宗堯同姜文杰份屬好兄弟,所以新戲《導火新聞線》梗係唔少得佢未埋位前,姜文杰仲特登到場探班,好老友㗎!

真面目

好火 踩莊思敏幫老友翻生 王宗堯《導火》導演上身

港視另一套神劇《導火新聞線》開拍電影版,繼續由舊有演員及製作班底孭飛,但未開機已發生王宗堯同莊思敏對罵事件,女方仲公開雙方對話訊息內容,直插王宗堯唔識尊重人。

據知原來王宗堯為《導》片仲推晒所有工作專注新戲,由度劇本到角色安排都參與度極高,又諗計將電視版已死的好兄弟姜文杰翻生演出,加埋請到達哥吳孟達坐陣搶票房,點可以俾莊思敏搞是搞非呢?

《導火新聞線》內容夠貼地,所以《導》電影版決定沿用舊班底,除咗老闆蕭定一係最大決策人,主角王宗堯都好有意見,台前幕後對新戲超緊張!

「皇阿媽」梁小冰辭演《導火新聞線》電影版,佢話:「因為各方面配合唔到,所以我辭演咗!佢係第一時間搵我,我都要多謝蕭定一先生。」

上週四( 10日),莊思敏出席活動時喊爆回應,又公開同王宗堯嘅對話短訊,仲直指對方「斷人衣食」,不過公開私人短訊都唔係好啱囉!

吳孟達頂上

潘漫紅已同王宗堯密密開大會,原來王宗堯喺新戲已升呢揸弗人,仲特意推晒所有工作專心拍攝。他說:「聖誕檔期有好多商演、活動同廣告,但我覺得既然接得呢部戲,準備角色好,前期製作又好,後期配音、宣傳又好,每一環都需要認真去做!有好多嘢唔可以單單用錢同曝光去衡量一個人嘅工作嘅!」

同莊思敏發生罵戰,王宗堯就有骨話:「我哋都係原班人馬台前幕後人員,合作開有默契,大家出發點、對戲要求唔同,覺得自己都有失言部分嘅!」至於「皇阿媽」梁小冰因撞期辭演電影版,王宗堯亦另有人選,「今次有幸請到吳孟達達哥做呢個 case主角,真正嘅男主角!成個故仔都係關於佢嘅!」

身為大師兄嘅王宗堯,對住同門師妹 Jeana同 CoCo(中),暖男上身親自教佢哋點揸相機先至專業。

唔使埋位時,王宗堯仲化身導演跟進拍攝進度,完全超出普通演員嘅範圍喎!

達哥亂入

雖然冇咗老總「皇阿媽」梁小冰坐陣,不過就搵嚟吳孟達壓場,一樣好戲!

幫兄弟復活

踩莊思敏,但係又出計幫好兄弟「王子」姜文杰復活,得以在電影版中翻生的姜文杰就話:「或者『王子』真係冇死到,王子死咗回魂報夢,又或者係我演嘅全新角色,但呢一切一切我都唔可以俾個答案,只可以賣個關子!有冇喺呢套戲出現都係一個謎!」有王宗堯撐,實有發揮

周家怡𠵱家身處橫店拍攝戚其義執導新劇《傳奇大亨》,本月中完成整劇拍攝,緊接就會返香港為《導火新聞線》電影版開工。

《導火新聞線》電影版開拍前,身兼編劇同監製嘅潘漫紅(左二)經常孖住王宗堯同周家怡開會商議拍攝細節,不時傾到通宵添!

《導火新聞線》雖然沿用舊有演員班底,不過當中有唔少老闆蕭定一旗下藝人亂入,各有各賣點,仲有埋達哥呢位重量級演員坐陣,齋睇演員陣容已經令人囉囉攣!

方健儀

前大台主播方健儀新戲做番老本行「主播」,仲話戲中有唔少場口都親自經歷過,演起上來應該冇難度

何佩瑜

Jeana新戲都係飾演一名記者,不過有得跟達哥偷師,已經有賺。

唐貝詩

唐貝詩首次落場拍戲,雖然只係客串記者角色,事前仲去修讀演技班做足準備,巧勤力!

袁聖殷

組合「少女標本」成員之一嘅 CoCo,新戲中飾演一名記者。

張建聲

張建聲喺新戲都佔有一角,現時秘密練功階段,角色好神秘。

採訪、撰文:娛樂組

攝影:攝影組


鍾意就快D Share啦!