噚晚金像獎有一part以童星做主題，仲安排咗一班童星出身嘅藝員出嚟同大家見面，當中曾經喺《忘不了》飾演張栢芝囝囝嘅原島大地出現，令到現場嘩嘩聲，無他嘅，因為生得靚仔嘛(相關新聞： http://bit.ly/1MNl7Rw )！今年18歲嘅原島大地係中日混血兒，媽媽係大陸人，o依家佢喺日本讀高中。原島大地最令人難忘就喺04年喺第23屆金像獎中，俾黃子華叫佢返去同日本人講「釣魚台係中國」。噚晚原島驚艷登場，有唔少傳媒想搵佢做訪問，不過據知o依家喺日本住嘅原島大地，今朝已經返咗日本讀書，唔想接受訪問。金像獎搵到佢嚟亦都係排除萬難，換句話講，除咗噚晚嘅靚仔片段，短期內唔會有再有新片段，大家真係要睇多兩眼喇!仲有曾經參演過《富貴逼人》系列嘅關佩琳，噚晚都有出現，據知今年37歲佢，曾經喺Big 4羅兵咸永道會計師事務所工作過，佢就表示自己已經唔係娛圈人，暫時未有打算接受訪問。
來源 source: http://hk.apple.nextmedia.com
|
鍾意就快D Share啦！
|
|
|
