2016年4月20日 星期三

性感相離奇被DEL 舒淇嬲爆投訴 __,舒淇,

舒淇嬲到震呀!現年40歲嘅台灣女星舒淇,不時喺微博上載靚相同埋開工相,但佢今日竟喺微博「投訴」,事緣佢尋晚喺北京出席意大利品牌珠寶腕錶BVLGARI嘅羅馬電影藝術展,佢大玩黑絲誘惑,透視中空裝大騷東西半球,勁性感,事後仲將活動相upload上微博,同網友開心Share!慘被「報寸」點知舒淇喺微博收到管理員訊息,話以「涉嫌發布營銷信息」為由,指有人向微博有關方面「報寸」,檢舉佢所發出的博文:「你好, ...


舒淇嬲到震呀!

現年40歲嘅台灣女星舒淇,不時喺微博上載靚相同埋開工相,但佢今日竟喺微博「投訴」,事緣佢尋晚喺北京出席意大利品牌珠寶腕錶BVLGARI嘅羅馬電影藝術展,佢大玩黑絲誘惑,透視中空裝大騷東西半球,勁性感,事後仲將活動相upload上微博,同網友開心Share!

慘被「報寸」

點知舒淇喺微博收到管理員訊息,話以「涉嫌發布營銷信息」為由,指有人向微博有關方面「報寸」,檢舉佢所發出的博文:「你好,你被其他用戶舉報涉嫌發布營銷信息。」而所指嘅博文內容是舒淇轉貼BVLGARI內地官方微博嘅內容,講述活動情況:「女神佩戴高級珠寶系列藍寶石項鏈、耳環及戒指,搭配一襲性感透視晚裝,盡顯極致女神風采。」隨即引起有關方面關注,舒淇段博文隨即「被消失」!

其實,藝人喺微博上載活動工作相,係成日有嘅事,翻查番嗰個品牌嘅內地官方微博所發嘅博文,根本同舒淇轉發嘅一模一樣,但就未有畀有關方面刪除,搞到舒淇對於今次博文離奇被刪除,完全諗極都唔明,即時發訊息同對方理論:「所以不能發自己的工作照?」對方就未有直接回應,估計係是用自動對答系統,回覆舒淇話,如果查詢問題嘅話,可以自己去頁面搵答案,或者再發訊息同微博有關工作人員聯絡,舒淇嬲爆再留言:「既然是你發的,為甚麼不能直接告訴我?!而是要我經過一些繁複的手續呢?」

陳坤彭于晏都撐

舒淇愈諗愈嬲,仲將同管理員嘅對話截圖公開,放上微博,希望大家評評理:「這意思是不能在微博發工作照?」即時引起大家嘅關注,內地男星陳坤即刻留言叫佢咪嬲豬:「對方應該是機械人,你不用在意!」舒淇回覆時寸爆話:「機械人,好先進喔!」而台灣男星彭于晏留言話自己有時都被刪博文:「廣告彭表示常被屏蔽。」

雖然舒淇喺微博上載嘅活動相被檢舉,但舒淇喺ig上載嘅相就冇被檢舉,不過事件後佢del剩一張相,留言話:「好像有點瘦,是否停止減兩公斤計劃?那1.5好了!」唔少網友都知道舒淇微博呢件事,笑爆留言:「我要檢舉這相片…露那麼少…」而舒淇同品牌方面都未有為事件作出回應。

社交平台使用守則

根據一般網上社交平台的使用守則,一些有可能觸犯植入式廣告的博文或圖片,會比較敏感及容易惹來關注。據了解,微博方面有一個人工智能系統的「微博小秘書」,會將一些既定輸入的字眼作出過濾,若有所發現,會再配合人手去了解,若發現問題存在便會將相關博文刪除。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...