熱爆娛樂: 關楚耀餵韓模食殘廢餐 [壹週刊

2016年6月30日星期四

關楚耀餵韓模食殘廢餐 [壹週刊 - 1373] __,關楚耀,M1,

Miu Kim失驚無神除鞋捽腳趾，但關楚耀見慣不怪。

娛樂偵訊

關楚耀餵韓模食殘廢餐

阿豬媽煲韓劇，美少女敷韓國製面膜，宅男捧女團……關楚耀（ Kelvin）更加為港爭光，同來自韓國、影過唔少性感內衣相的索模 Miu Kim拍拖， 8個月已經見晒家長。

異地戀唔係成日有得見，所以每次女友來港，關楚耀定必 full time交人，甚至餵埋女友食殘廢餐，你一啖我一啖，做個煙韌小男人。

愈睇愈索

女友是韓國佳麗，對大男人天生逆來順受，但關楚耀卻唱反調，對拍拖大半年的索模 Miu Kim，服侍周到。

難得女友在港，二人爭取時間日日見。上個禮拜，關楚耀專登帶 Miu Kim去一間特色餐廳撐枱腳，只見他貼心地將食物切細，再親手餵埋，讓女友一嘗「殘廢餐」滋味。

愈睇愈覺得女友索！關楚耀忍唔住客串做龍友，多角度為女友影低索樣；著住白色低胸吊帶衫的 Miu Kim，又𠌥身又戙起雙腳再附送除鞋捽腳趾，全面配合。

著住吊帶背心的 Miu Kim一𠌥低身，輕露事業線。

韓國著名的「殘廢餐」，港男關楚耀重新演繹。

講到捉住女友隻手，肉緊到呢。

女友實在太索，關楚耀龍友上身，狂集郵。

視像談情

情場得意，關楚耀事業發展亦有起色，在台北投資的意大利餐廳已開業三個月，其門如市。同女友聚少離多，二人每日要靠視像溝通，維繫感情。

「 Kelvin（關楚耀）呢排要定期返大陸做真人騷，雖然辛苦，但成日開工都無端端笑笑口，一有 break又會行開同女朋友 FaceTime，睇得出佢好緊張 Miu Kim，因為兩個唔係成日見到，所以 Kelvin更加做到足，真係當對方係自己老婆咁湊！」關楚耀身邊人說。