掃呢頁CODE去手機

2016年6月11日 星期六

歐國盃:歐國盃 愈爆愈臭!迪基亞涉集體強姦 __,

迪基亞(左圖)同蒙尼恩(右圖右)周身蟻。(互聯網圖片)西班牙門將迪基亞嘅性愛醜聞愈爆愈臭!原本有報道話,佢有份組織淫亂P為老友提供雛妓,雖然迪基亞已經開記者會,話自己同事件無關,但西班牙傳媒再爆,迪基亞涉嫌集體強姦,佢仲曾經喺WhatsApp問受害人,可唔可以同5個曼聯「陪瞓」,擺明識對方,呢次真係水洗都難清!原本西班牙警方調查緊,有關鹹片導演Torbe嘅性侵兼勒索案件,點知佢嘅口供紙上面,竟然有 ...


迪基亞(左圖)同蒙尼恩(右圖右)周身蟻。(互聯網圖片)

西班牙門將迪基亞嘅性愛醜聞愈爆愈臭!原本有報道話,佢有份組織淫亂P為老友提供雛妓,雖然迪基亞已經開記者會,話自己同事件無關,但西班牙傳媒再爆,迪基亞涉嫌集體強姦,佢仲曾經喺WhatsApp問受害人,可唔可以同5個曼聯「陪瞓」,擺明識對方,呢次真係水洗都難清!

原本西班牙警方調查緊,有關鹹片導演Torbe嘅性侵兼勒索案件,點知佢嘅口供紙上面,竟然有迪基亞及蒙尼恩個名,仲爆出佢哋喺Twitter大談極度露骨嘅性愛內容。最新消息仲話,迪基亞喺2012年為西班牙U21服役期間,孖住蒙尼恩強姦未成年少女。

受害人「TP3」回憶,佢喺2012年5月6號同另一個女仔,被Torbe威脅要招待球員,否則會被毆打,而且完事後唔可以講出去。根據「TP3」所講,當時見過兩個球員,包括蒙尼恩,雖然佢拒絕提供性服務,但因為有人捉實佢作出恐嚇,令佢被逼屈服。

西班牙傳媒認為,另一個案中人係迪基亞,對於佢話自己無辜,《馬卡報》就喺網站大爆佢同「TP3」嘅WhatsApp內容,當中包括問對方,肯唔肯同5個曼聯過夜,而且蒙尼恩同「TP3」都有傾過WhatsApp,又同過4仔女星合照,唔似好人,睇怕佢兩個實周身蟻!

彩報歐國盃網站:

https://cup2016-win.on.cc 

全新Facebook足球資訊專頁,彩報同你追實歐國盃!

即去彩報Facebook專頁!

http://bit.ly/1r2BOOF 


來源 source: http://hk.on.cc
鍾意就快D Share啦!