羅明珠上月27號因心臟病猝逝，終年47歲。其家人昨晚假香港殯儀館為她設靈，並安排於今早由智德高僧封棺說法，然後再移送至歌連臣角火化。「開心少女組」成員之一的袁潔瑩最有心，今早7時已到達殯儀館幫手及打點一切，有份扶靈的鄧兆尊亦已到達靈堂。另外，早前爆出與男友潘源良分手的李麗珍，已由台灣回港，並於早上七時半由一名男友人陪伴下乘的士抵達靈堂送故友，戴上黑框眼鏡的珍妹精神尚可。羅明珠閨蜜Winnie Yuen於好友猝逝後一直未有露面，昨日好友設靈亦未有現身，不過，今早八時，一身黑衣打扮，面容憔悴的她，終於現身靈堂，陪摯友走最後的路。儀式完畢後，羅明珠嘅遺體移送至歌連臣角火化，親友陸續到場。火葬場的工作人員，將安放了羅明珠嘅白色靈柩推上準備火葬的路軌上，旁邊擺上黑白遺照及祭品。甩拖嘅李麗珍今朝戴住黑色膠框眼鏡到靈堂，據知佢喊咗成朝，換咗副黑超嘅珍妹送完好姊妹最後一段路後，爆喊到有啲虛脫，要由兩位男士扶住離開。袁潔瑩琴日設靈時已經喊到眼腫鼻紅，今日戴住黑超嘅佢，選擇強忍淚水送亡友。羅明珠匆匆的一生，化成一縷輕煙，就如佢嘅首《新月情懷》其中一句歌詞… 情懷如天邊新月，風中翻飛。
來源 source: http://hk.apple.nextmedia.com
|
鍾意就快D Share啦！
|
|
|
