2016年6月11日 星期六

林芊妤:【成身濕晒】林芊妤拍真人騷被對手抓傷 __,林芊妤,

陰功!傷成咁!藝人林芊妤(Coffee)最近頻頻接JOB,但唔知係咪財多身子弱,Coffee今年不斷病倒,上月先因為胃痛要入院,今日佢又受傷啦,認真慘慘豬!Coffee樣靚身材正,佢仲成日喺ig晒性感益粉絲,但今日佢就唔係晒性感相,而係晒受傷相!睇番張相,明顯見到佢背部同腹部都有抓傷嘅傷痕,依家Coffee喺峇里島拍緊外國嘅真人騷節目,傷口似係拍攝時整親喎,粉絲見到佢傷晒,都留言叫佢小心啲呀!玩到 ...


陰功!傷成咁!

藝人林芊妤(Coffee)最近頻頻接JOB,但唔知係咪財多身子弱,Coffee今年不斷病倒,上月先因為胃痛要入院,今日佢又受傷啦,認真慘慘豬!

Coffee樣靚身材正,佢仲成日喺ig晒性感益粉絲,但今日佢就唔係晒性感相,而係晒受傷相!睇番張相,明顯見到佢背部同腹部都有抓傷嘅傷痕,依家Coffee喺峇里島拍緊外國嘅真人騷節目,傷口似係拍攝時整親喎,粉絲見到佢傷晒,都留言叫佢小心啲呀!

玩到成身濕晒

Coffee仲留言大呻:「點解又係我?玩遊戲姐(啫),你唔駛(使)用手指甲掛(啩)?不過今日贏晒4個好污糟又難玩嘅games,雖然食左(咗)好多泥,但佢地(哋)都話我好tough。其實因為我係男人,我無咁容易被擊倒嘅,就算我成身傷都會繼續忍痛下去!Hong Kong fighting!」原來佢玩一啲好難玩嘅game,唔怪玩到佢香汗淋漓

遮遐膏遮傷口

事後,Coffee接受《東網》訪問,她表示玩遊戲時被印度女參賽者弄傷,但沒有責怪對方,她說:「可能佢見我跑得快,就用力抓住我。(擔心有疤痕?)驚呀!我聽日要影相,成身傷晒唔係咁好,但我啲隊員唔係咁運動型,佢哋派我出去,我只好盡力!聽日盡量用遮瑕膏遮傷口」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...