2016年6月14日 星期二

【獨家有片】直擊黃子華中環棟篤笑 醉到企唔穩 子華,,黃子華

男神黃子華嘅舞台劇將於7.1開騷,最近佢雖然忙於綵排,但前晚都抖吓氣,抽空出席友人嘅生日聚餐,晚上9點幾,《蘋果》記者喺中環歌賦街嘅意大利餐廳,發現男神嘅蹤影,同場仲有已故巨星張國榮嘅摯愛唐鶴德、張艾嘉等20多人,佢哋包場為友人慶生,又開咗多支酒慶祝,席間言談甚歡。食到七七八八時,子華、張艾嘉同友人到門外煲煙,子華發揮棟篤笑拿手好戲,傾到手舞足蹈,講嘢又中又英,好似開免費私人棟篤騷,身邊圍了多位友 ...




其他影片:>>






男神黃子華嘅舞台劇將於7.1開騷,最近佢雖然忙於綵排,但前晚都抖吓氣,抽空出席友人嘅生日聚餐,晚上9點幾,《蘋果》記者喺中環歌賦街嘅意大利餐廳,發現男神嘅蹤影,同場仲有已故巨星張國榮嘅摯愛唐鶴德、張艾嘉等20多人,佢哋包場為友人慶生,又開咗多支酒慶祝,席間言談甚歡。食到七七八八時,子華、張艾嘉同友人到門外煲煙,子華發揮棟篤笑拿手好戲,傾到手舞足蹈,講嘢又中又英,好似開免費私人棟篤騷,身邊圍了多位友人洗耳恭聽。全晚講唔停口嘅子華,邊講邊飲邊扯煙,原來佢嘅煙癮都好大,短短一粒鐘之內,竟然扯足5支煙,可以講係幾乎煙不離手、酒不離口,直到晚上11點半,子華似乎有啲醉意,開始腳步浮浮企唔穩,要用手扶住張枱,最後更索性喺門口搵張櫈坐低,繼續吹水。至於張艾嘉嘅煙癮都唔弱,不但有幫子華點煙,仲幾乎全程都陪住子華煲煙,其間仲聽到張嘉艾問友人:「記唔記得呢度呀?我以前喺呢度拍過戲㗎。」之後就攞手機出嚟周圍影相,又叫全部朋友出門口影大合照留念。而冇見一排嘅唐唐,依然keep得又fit又有型,呢晚佢胃口都唔錯,坐喺子華隔籬不停食,但就冇去門口煲煙,直至凌晨12點幾,友人們陸續離開,有男友人同子華擁抱道別後,唐唐就同男友人貼面拜拜,完全符合佢鬼佬嘅作風,而子華就坐友人嘅七人車離去。

採訪、攝影:徐錦池、畢紹基 子華神同唐鶴德(圖白衫)去友人聚會 邊講、邊飲、邊扯煙…
張艾嘉為子華點煙 子華成程係咁講嘢,似足私人棟篤騷 唔講唔知…子華神煙癮都幾大…
短短一粒鐘之內,竟然扯足5支煙 張艾嘉都唔輸蝕,全程都陪住子華煲煙 哈囉!張姐…
直到晚上11點半,子華似乎有啲醉意 最後更索性喺門口搵張櫈坐低

鍾意就快D Share啦!
Related Posts Plugin for WordPress, Blogger...